რამდენად უსაფრთხოა ბავშვების ვაქცინაცია? - BBC
1631901932
ბოლო პერიოდში მოზარდების ვაქცინაციასთან დაკავშირებით არაერთი ინფორმაცია გავრცელდა. დიდ ბრიტანეთში 12-15 წლის მოზარდებს კორონავირუსის საწინააღმდეგო ვაქცინის ერთჯერად დოზას სთავაზობენ, ხოლო 50 წლის ზემოთ ადამიანებს - ვაქცინის ბუსტერულ დოზას.
BBC აქვეყნებს მშობლების აქტუალურ კითხვებს, მოზარდების ვაქცინაციასთან და ბუსტერულ დოზებთან დაკავშირებით, რომლებსაც სპეციალისტები პასუხობენ:
1️⃣ რამდენადაც ვიცი, კოვიდვაქცინაციის შემთხვევაში მიოკარდიტის საფრთხე გაცილებით მაღალია, ვიდრე კორონავირუსით ინფიცირებისას ჰოსპიტალიზაციის რისკი. თუკი ასეა, რატომ უნდა ავცრა ჩემი შვილი ვაქცინით, რომელსაც საშინელი გვერდითი მოვლენები აქვს?
პასუხობს კიმ ბრისკო, ჯანდაცვის ექსპერტი:
მიოკარდიტი - ფაიზერისა და მოდერნას ვაქცინების ძალიან იშვიათი გვერდითი მოვლენაა. სიმპტომები, რომლებიც იწვევს ტკივილს მკერდის არეში ან გახშირებულ გულისცემას, სწრაფად გადის. ყოველ მილიონ დოზაზე მხოლოდ 2-დან 17 მდე შემთხვევა დაფიქსირდა, უმეტესად ბიჭებში, ვიდრე გოგოებში. ამ სიმპტომებით ჰოსპიტალიზაცია ძალიან ცოტას დასჭირდა.
თუმცა, მსგავსი სიმპტომები შესაძლოა კორონავირუსმაც გამოიწვიოს და საბოლოოდ, ზოგიერთი ბავშვში საკმაოდ ხანგრძლივად ტოვებს ამ გვერდით მოვლენას.
ვაქცინაციისა და იმუნიზაციის ერთობლივი კომიტეტის (JCVI) მონაცემებით, ერთი მილიონი ბავშვის ვაქცინაცია აგვარიდებს ჰოსპიტალიზაციის 87 და რეანიმაციულ 2 შემთხვევას.
თავად ვაქცინაცია პრაქტიკულად უსაფრთხოა და მოზარდების უმეტესობა ვაქცინაციის შემდგომ მხოლოდ ხელის მსუბუქ ტკივილს გრძნობს.
2️⃣ შეუშლის თუ არა ხელს ვაქცინაცია ჩემს შვილს განათლების მიღებაში?
პასუხობს ნიკ ტრიგლი, კორესპონდენტი ჯანდაცვის საკითხებში
არსებობს მიზეზი, რის გამოც გადაწყვეტილების მიღების პროცესი მტკივნეული იყო - ეს არის დაბალანსებული მიმართვა.
12-დან 15 წლამდე ასაკის ჯანმრთელი ბავშვები კოვიდინფიცირების დაბალი რისკის ქვეშ იმყოფებიან. მოდელირების მიხედვით, ვაქცინაცია განათლების მიღებას ხელს არ უშლის.
დელტას ვარიანტის გამოჩენა ნიშნავს, რომ ვაქცინები ინფექციის თავიდან აცილების მიზნით უფრო ეფექტიანია, ვიდრე ოდესმე იყო.
3️⃣ როგორც თინეიჯერი გოგონების დედა, მაღელვებს ვაქცინების ხანგრძლივი მოქმედება მათ განაყოფიერებაზე. რაც არ უნდა უცნაური იყოს, მყავს რამდენიმე მეგობარი და ნათესავი, რომელთა შემთხვევაში კორონავირუსის საწინააღმდეგო ვაქცინაციამ მენსტრუაციაზე უარყოფითად იმოქმედა. რა გავლენას ახდენს ვაქცინები რეპროდუქციულ სისტემაზე?
პასუხობს ფილიპა როკსბი, ჯანდაცვის რეპორტიორი
ზოგიერთი ქალი გვატყობინებს მენსტრუალური ციკლის ცვლილებების შესახებ, მაგალითად, ზოგს უჩვეულოდ ძლიერი სისხლდენა აქვს ან მენსტრუაცია გარკვეული პერიოდით გაუჩერდა, რაზედაც ექსპერტებს ლოგიკური განმარტება აქვთ:
ვაქცინაციის შემდეგ ზიანდება იმუნური უჯრედები, ორგანიზმის იმუნური სისტემა იწყებს მუშაობას და ჩნდება ანთებითი რეაქცია, რამაც შესაძლოა, მენსტრუალურ ციკლში ცვლილებები გამოიწვიოს. ასეთივე ეფექტები შესაძლოა, ჰქონდეს გაციების ან პაპილომავირუსის საწინააღმდეგო ვაქცინებს.
მაგრამ ექიმები ამბობენ, მსგავსი გვერდითი მოვლენები ხანგრძლივი არ არის და ეს ქალებმა არ უნდა განიცადონ.
სოციალურ ქსელში ბევრი დეზინფორმაცია გავრცელდა ვაქცინაციასა და განაყოფიერებაზე, მაგრამ არ დაიჯეროთ არაფერი გარდა იმისა, რასაც გინეკოლოგები წერენ და ამბობენ. ყველა ექსპერტი ამბობს, რომ ვაქცინაცია განაყოფიერებას ხელს არ უშლის. სინამდვილეში, კორონავირუსით ინფიცირება უფრო მეტ პრობლემას იწვევს ჯანმრთელობასთან დაკავშირებით, რაც შემდგომ ნეგატიურად აისახება განაყოფიერებაზე.
ვაქცინების გამოყენება, ასევე, რეკომენდებულია ორსულობის დროს.
4️⃣რატომ არ გამოიყენება ასტრაზენეკას ვაქცინა გამაძლიერებლის (დამატებითი დოზის, ბუსტერის) სახით?
პასუხობს ფერგუს უოლში, სამედიცინო რედაქტორი
ასტრაზენეკას ვაქცინის ბუსტერული მიზნით გამოყენება უსაფრთხო და ეფექტიანია, მაგრამ ის რეკომენდებულია მხოლოდ მათთვის, ვისაც ფაიზერისა და მოდერნას ვაქცინებზე ალერგიული რეაქცია აქვთ.
მესმის, ასტრაზენეკას ვაქცინა გამაძლიერებლის სახით იშვიათი გვერდითი ეფექტის - სისხლის შედედების გამო არ გამოიყენება. ამ მიზეზის გამო ასტრაზენეკით ვაქცინაცია დიდ ბრიტანეთში 40 წლის ზემოთ ასაკის ადამიანებში შეზღუდულია.
ყველა ვაქცინა, რომელიც დიდ ბრიტანეთში გამოიყენება, კორონავირუსის მძიმე ფორმისგან დაცვას უზრუნველყოფს, მაგრამ გაურკვეველი რჩება, რომელია ამ ვაქცინებიდან უფრო ხანგრძლივი დაცვის. ფაიზერი და მოდერნა უფრო კარგ შედეგებს აჩვენებს იმუნიზაციის პირველ კვირაში, მაგრამ მათი იმუნიტეტი უფრო სწრაფად მცირდება, ვიდრე ასტრაზენეკით ვაქცინაციის შემთხვევაში.
ასე რომ, არასწორი იქნება, ასტრაზენეკას ვაქცინა ბუსტერული დოზით გამოსაყენებლად სრულად ჩამოვწეროთ. თუკი დამტკიცებულია, რომ ვაქცინა კარგად აძლიერებს იმუნიტეტს, მან შესაძლოა მუდმივი როლი შეასრულოს.
5️⃣ვარ 72 წლის კაცი და მაინტერესებს, შესაძლებელია თუ არა ერთდროულად რევაქცინაცია და გრიპის საწინააღმდეგო ვაქცინის გაკეთება?
დიახ, როდესაც რევაქცინაციის პროგრამის შესახებ გამოცხადდა, შოტლანდიის მთავრობამ განაცხადა, რომ ვაქცინაციისა და იმუნიზაციის ერთობლივი კომიტეტის (JCVI) რჩევებს გაითვალისწინებდა და „ყველგან, სადაც ეს შესაძლებელია, ადამიანებს ასაკის მიხედვით შესთავაზებს კორონავირუსისა და გრიპის საწინააღმდეგო ვაქცინას ერთდროულად“.
თუკი 50 წელს გადაცილებული ხართ, ერთ-ერთ ჯგუფს მიეკუთვნებით, რომლისთვისაც რეკომენდებულია კორონავირუსის ბუსტერული დოზის მიღება. სხვა ჯგუფების მიეკუთვნებიან ჯანდაცვისა და სოციალური დახმარების თანამშრომლები; 16-დან 49 წლის ჩათვლით ადამიანები; სხვადასხვა დაავადების მქონე და ხანდაზმულები, რომლებიც მოხუცთა თავშესაფრებში ცხოვრობენ. ეს უკანასკნელი ჯგუფი შოტლანდიაში ორივე ვაქცინით (კორონავირუსის და გრიპის საწინააღმდეგო) იცრებიან.
კორონავირუსისა და გრიპის საწინააღმდეგო ვაქცინის ერთდროულად გაკეთება დაშვებულია ინგლისშიც, თუმცა, გარკვეული შეზღუდვებით.
ჩრდილოეთ ირლანდიასა და უელსში, ასევე, იგეგმება ორივე ვაქცინის ერთდროულად ხელმისაწვდომობა, თუმცა უელსში ჯანდაცვის მინისტრმა ელუნედ მორგანმა მოსახლეობა გააფრთხილა, რომ ეს იქნება „მხოლოდ იქ, სადაც დრო და ლოგისტიკა დართავს ნებას“.
აგრეთვე, დაგაინტერესებთ:
👉 აქვს თუ არა აზრი კოვიდგადატანილი ადამიანების აცრას? - Washingtonpost
👉 რა გავლენა მოახდინა კოვიდმა თირკმელებზე და რა გართულებებს ტოვებს ხანგრძლივი კოვიდი - კვლევა
👉 რატომ გვთავაზობენ 12-დან 15 წლამდე ბავშვების ვაქცინაციას? - არგუმენტები და საწინააღმდეგო მოსაზრებები
