საავადმყოფოებში კოვიდინფიცირებულების სამკურნალოდ 3 000 საწოლს ამზადებენ
1599823650
„სამწუხაროდ, ინფიცირებულების რაოდენობა მნიშვნელოვნად იზრდება, თუმცა სიტუაცია მართვადია და პანიკის საფუძველი არ არსებობს“,- ამის შესახებ პრემიერ-მინისტრმა გიორგი გახარიამ მთვრობის ადმინისტრაციაში გამართულ ბრიფინგზე განაცხადა.
მისი თქმით, დღეს ქვეყნის მასშტაბით 8 000 PCR ტესტი ტარდება, ეს რაოდენობა უახლოეს პერიოდში 10 000-მდე გაიზრდება.
„თუ საჭირო იქნება, ამ რაოდენობის ზრდის პერპსექტივაც არსებობს“,- დასძენს პრემიერ-მინისტრი.
მან აქვე აღნიშნა, რომ გლობალურ პანდემიას ცაკლე აღებული ქვეყანა, მათ შორის საქართველო მარტო ვერ გაუმკლავდება.
ამასთან, პრემიერის თქმით, ჯანდაცვის სამინისტროს დაევალა, საავადმყოფოებში კორონავირუსით ინფიცირებულების სამკურნალოდ 3 000 საწოლი მოამზადონ.
„ჯანდაცვის სამინისტროს დავალება მიეცა, სრულ მზადყოფნაში იყოს 3 000 საწოლი, ეს იმისათვის, რომ თუ შემთხვევების რაოდენობა გაიზრდება, შესაძლებელი იყოს მათი სწრაფი და ეფექტური მკრუნალობა“,- აღნიშნა გიორგი გახარიამ.
ინფორმაციისთვის, საქართველოში კორონავირუსის მორიგი რეკორდი დაფიქსირდა. დღეს COVID 19-ის 87 ახალი შემთხვევა გამოვლინდა.
