საქართველოში კორონავირუსისგან კიდევ 19 პაციენტი განიკურნა. stopcov.ge-ს სტატისტიკური მონაცემებით, COVID-19-სგან ჯამში 624 პაციენტია განკურნებული.
დღეს, წინა დღეებისგან განსხვავებით, კორონავირუსისგან გამოჯანმრთელებულთა რაოდენობა უფრო მეტია, ვიდრე ახალი დადასტურებული შემთხვევა.
ბოლო მონაცემებით, ქვეყანაში კორონავირუსის 11 ახალი შემთხვევა დადასტურდა. ჯამში, დადასტურებულია COVID-19-ის 794 შემთხვევა.
კარანტინის რეჟიმში 2494 ადამიანი, სტაციონარში მეთვალყურეობის ქვეშ კი, 301 პაციენტი იმყოფება.