საქართველოში კორონავირუსის 19 ახალი შემთხვევა დადასტურდა
1595570917
საქართველოში კორონავირუსით ინფიცირების 19 ახალი შემთხვევა გამოვლინდა. მონაცემები მთავრობის მიერ შექმნილ სპეციალურ ვებგვერდზე Stopcov.ge-ზე განახლდა.
24 ივლისის მდგომარეობით, კოვიდინფიცირების დადასტურებული შემთხვევების რიცხვი 1 104-ს შეადგენს. მათ შორის გამოჯანმრთელდა 912, ხოლო გარდაცვლილია 16 ადამიანი.
ცნობისთვის, კორონავირუსი 2019 წლის დეკემბერში ჩინეთში, უჰანის პროვინციაში გამოვლინდა. 21 იანვარს ჩინეთის ხელისუფლებამ დაადასტურა გავრცელებული ინფორმაცია, რომ ვირუსი გადამდებია. ინფექციამ 213 ქვეყანა მოიცვა. მსოფლიო მასშტაბით ინფიცირების შემთხვევები 15 მლნ-ს აჭარბებს.
