საქართველოში კორონავირუსზე ინტენსიური ტესტირება იწყება

დღეიდან პირველ თებერვლამდე საქართველოში კორონავირუსზე ინტენსიური ტესტირების პროგრამა იწყება. ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.

მისი თქმით, ყოველდღიურად ქვეყანაში 20 000 ტესტი გაკეთდება.

„დღეიდან პირველ თებერვლამდე საქართველოში ინტენსიური ტესტირება დაიწყება და დღეში 20 000 ტესტი გაკეთდება. ამას, ასევე, დაემატება კერძო კლინიკების ლაბორატორიების მიერ ჩატარებული ტესტების რაოდენობა. ასევე, ფართოვდება ანტიგენზე დამყარებული ტესტების ოდენობა, რომლის პასუხიც 20 წუთში არის“, - აღნიშნა ბერდია სიჭინავამ.

ბერდია სიჭინავას განცხადებით, ინტენსიური ტესტირების მიზანი ინფიცირების ფაქტების სწრაფი გამოვლენა და მათზე დროული რეაგირებაა.

აგრეთვე წაიკითხეთ:

👉 Pfizer-ის ვაქცინა უკვე ოფიციალურად რეგისტრირებულია

👉 თბილისი 1 705, იმერეთი 624 - ეპიდვითარება საქართველოს რეგიონებში

👉 კორონავირუსით ინფიცირებისა და გამოჯანმრთელების სტატისტიკა - 2 დეკემბერი