საქართველოში კორონავირუსით ინფიცირების 26 ახალი შემთხვევა დადგინდა.
აღნიშნულის შესახებ ინფექციური საავადმყოფოს სამედიცინო დირექტორმა მარინა ეზუგბაიამ განაცხადა.
"შემოგვემატა 26 ახალი დადასტურებული შემთხვევა და ახლა გვყავს 783 შემთხვევა. განკურნებულებს დაემატა 5 ჯერჯერობით. ამ მონაცემების გათვალისწინებით ამ ეტაპზე კოვიდცენტრებში მკურნალობს 166 პაციენტი. მიუხედავად დადასტურებული შემთხვევების მატებისა, გამოჯანმრთელებულების რიცხვი მაინც 77%-ზე მეტია. ჯერჯერობით უპირატესობა გვაქვს", - აღნიშნა ეზუგბაიამ.