საუნივერსიტეტო კლინიკაში მოთავსებული კორონავირუსით ინფიცირებული ორი პაციენტის ჯანმრთელობის მდგომარეობა გაუმჯობესდა.
აღნიშნულის შესახებ თბილისის საუნივერსიტეტო კლინიკის კლინიკურმა დირექტორმა ლალი ტურძელაძემ განაცხადა.
"მარნეულიდან ჩამოყვანილი 62 წლის ქალბატონის მდგომარეობა გაუმჯობესდა და გვყავს აპარატიდან მოხსნის რეჟიმში. მეორე ქალბატონიც, რომელიც არის 80 წლის და აპარატურულ სუნთქვაზე იყო, მისი პარამეტრებიც ცოტა გავამარტივეთ", - განაცხადა ლალი ტურძემაძემ.
ცნობისთვის, ამ დროის მონაცემებით, საქართველოში კორონავირუსით ინფიცირების 110 შემთხვევაა გამოვლენილი.