თბილისის ზღვის ჰოსპიტალში მიღებულ 25 პასუხში კორონავირუსი არ დასტურდება
1586419704
თბილისის ზღვის ჰოსპიტალში მიღებული 25 პასუხიდან კოვიდინფექცია არცერთ შემთხვევაში არ დადგინდა.
აღნიშნულის შესახებ ზღვის ჰოსპიტალში აცხადებენ. მათივე ინფორმაციით, დღეს ლაბორატორიაში დამატებით კიდევ 25 ადამიანის ანალიზებს გააგზავნიან.
"ამჟამად კლინიკაში წევს 57 პაციენტი, გუშინ ჩატარებული 25 კვლევიდან, ყველა პასუხი უარყოფითია. 57 პაციენტიდან 7 აქვს ვერიფიცირებული პნევმონია, მათ სპეციალიზირებულ კლინიკებში გადაიყვანენ, 1 პაციენტის მდგომარეობა კრიტიკულია, მართვით სუნთქვაზე იმყოფება, ეს პაციენტიც გადაყვანილი იქნება სხვა კლინიკაში. ეს არის ბოლო 24 საათის მონაცემი", - აცხადებენ ჰოსპიტალში.
ცნობისთვის, საქართველოში ამ ეტაპზე ლაბორატორიულად დადასტურებული 214 შემთხვევაა გამოვლენილი, 3 გარდაცვლილია, ხოლო 50 ადამიანი გამოჯანმრთელდა.
