თურქეთში ჩინური ვაქცინით მოსახლეობის აცრა იწყება
1610608609
თურქეთი ქვეყნის მასშტაბით COVID-19 ვაქცინაციას იწყებს, ამის შესახებ ჯანდაცვის მინისტრმა ფაჰრეტინ კოჩამ განაცხადა. ინფორმაციას „როიტერი“ ავრცელებს.
„იმისთვის, რომ ძველ ცხოვრებას დავუბრუნდეთ, საჭიროა ვაქცინის გაკეთება. ვაქცინები გადანაწილებულია თურქეთის 81 პროვინციის საზოგადოებრივი ჯანდაცვის სათავსოებში.”, - თქვა კოჩამ.
ანკარა გეგმავს ვაქცინა მიიღონ პირველ ეტაპზე ექიმებმა, ასევე 65 წელზე უფროსი ასაკის პირებმა, რასაც მოჰყვება 50 წელზე უფროსი ასაკის ადამიანები და ისინი ვისაც ქრონიკული დაავადება აქვთ.
თურქეთმა მიიღო 3 მილიონი დოზა „სინოვაკის“ ჩინური ვაქცინა და სულ შეუკვეთა 50 მილიონი. იგი ასევე მოლაპარაკებებს აწარმოებს რუსეთის Sputnik V ვაქცინაზე, Pfizer–ის და BioNTech–ის მიერ შემუშავებულ ვაქცინაზე
თურქეთში კორონავირუსით დაახლოებით 23 000 ადამიანი გარდაიცვალა და 2 მილიონზე მეტი დაინფიცირდა. ღამის საათებში მოქმედებს კომენდანტის საათი, შაბათ-კვირას კი ლოქდაუნია.
იხილეთ აგრეთვე:
🔳პანდემიის უახლესი გლობალური სტატისტიკა
🔳თენგიზ ცერცვაძე: ოპტიმალური იქნება, რომ pfizer-ის ვაქცინის მცირე რაოდენობა შემოიტანონ
