თურქეთში კორონავირუსით ინფიცირებულთა რიცხვი 300 ათასს აჭარბებს
1600543896
თურქეთში კოვიდინფიცირებულთა რაოდენობამ 300 ათასს გადააჭარბა. მონაცემებს worldometers ავრცელებს.
ამავე მონაცემების თანახმად, ბოლო 24 საათში ქვეყანაში ინფიცირების 1538 ახალი შემთხვევა გამოვლინდა. გასული დღე-ღამის განმავლობაში თურქეთში კოვიდვირუსით 68 ადამიანი გარდაიცვალა, ხოლო გარდაცვლილთა რაოდენობა 7445-მდე გაიზარდა.
რაც შეეხება გამოჯანმრთელებულებს, მათი რიცხვი 19 სექტემბრის მონაცემებით, 266 ათასს აღემატება.
ინფორმაციისთვის, კორონავირუსის პირველი შემთხვევა ჩინეთში 2019 წლის დეკემბერში გამოვლინდა. ვირუსმა მოიცვა 210-ზე მეტი ქვეყანა. ინფექცია გამოწვეულია კორონავირუსის აქამდე უცნობი შტამით.
