უსიმპტომო კოვიდინფიცირებულების სასტუმროებში გადაყვანა დაიწყეს
1599639517
დღეიდან თბილისში, ბათუმსა და ქუთაისში უსიმპტომო კოვიდინფიცირებულებს სასტუმროებში გადაიყვანენ. ამის შესახებ ჯანდაცვის მინისტრმა ეკატერინე ტიკარაძემ მთავრობის ადმინისტრაციაში გამართულ ბრიფინგზე განაცხადა.
მისი თქმით, პროტოკოლის მიხედვით, სასტუმროს საკარანტინე სივრცეში გადაიყვანენ 18-დან 65 წლამდე ასაკის პაციენტებს, რომლებსაც ქრონიკული დაავადება არ აქვთ, კორონავირუსი კი, უსიმპტომოდ მიმდინარეობს.
„65 წელს ზევით პაციენტებს არ გადავიყვანთ სასტუმროში. 18-დან 65 წლამდე ადამიანები, რომლებსაც დადასტურებული აქვთ კოვიდინფექცია და ამავდროულად არ აქვთ არანაირი თანხმლები ქრონიკული დაავადება, შესაძლებლობა ექნებათ, უსიმპტომობის შემთხვევაში მკურნალობა გაიარონ სასტურმოების ქსელში“,- აღნიშნა ეკატერინე ტიკარაძემ.
