COVID-19

უწყებათაშორისმა საკოორდინაციო საბჭომ ვაქცინაციისთვის მზადების პროცესი და შეზღუდვების მოხსნის ეტაპისთვის ბიზნესის მზადყოფნა განიხილა

უწყებათაშორისმა
საკოორდინაციო საბჭომ
ვაქცინაციისთვის მზადების
პროცესი და შეზღუდვების
მოხსნის ეტაპისთვის
ბიზნესის მზადყოფნა
განიხილა
1610534251
დაკოპირებულია

საქართველოში ვაქცინაციის ეტაპისთვის მზადების პროცესი,  ქვეყანაში დღეს მოქმედი შეზღუდვების მოხსნისთვის ბიზნესის მზადყოფნის  პირობები და პენიტენციურ სისტემაში ეპიდემიოლოგიური კუთხით არსებული მდგომარეობა  განიხილეს უწყებათაშორისი საკოორდინაციო საბჭოს დღევანდელ სხდომაზე, რომელიც პრემიერ-მინისტრ გიორგი გახარიას ხელმძღვანელობით მთავრობის ადმინისტრაციაში გაიმართა. ინფორმაციას მთავრობის პრესსამსახური ავრცელებს. 

როგორც ცნობილია, კოვიდვაქცინაციის თემაზე პრემიერ-მინისტრის დავალებით შექმნილი სპეციალური კომისია ინტენსიურ რეჟიმში განაგრძობს მუშაობას როგორც ვაქცინის დროული მიღების, ისე ქვეყანაში შესაბამისი გამართული ინფრასტრუქტურის უზრუნველყოფის კუთხით.

აღსანიშნავია, რომ საქართველოში სამედიცინო პერსონალისთვის Pfizer-ის ვაქცინის პირველი დოზების მიღებასთან დაკავშირებით COVAX პლატფორმის მზაობის დადასტურების პარალელურად, მოლაპარაკებები ერთდროულად რამდენიმე მწარმოებელთან ინტენსიურ რეჟიმში გრძელდება.

საბჭოს სხდომაზე კიდევ ერთხელ გაესვა ხაზი იმ ფაქტს, რომ ქვეყანაში ვაქცინის შემოსვლის უპირველესი წინაპირობა მისი საერთაშორისო აღიარებაა - ვაქცინა უნდა იყოს პრეკვალიფიცირებული ჯანმრთელობის მსოფლიო ორგანიზაციის მიერ და ჰქონდეს საერთაშორისო აღიარება.

უწყებათაშორისმა საკოორდინაციო საბჭომ ასევე განიხილა პენიტენციურ სისტემაში ეპიდემიოლოგიური კუთხით არსებული მდგომარეობა.

როგორც იუსტიციის მინისტრმა აღნიშნა, პატიმრების ინტენსიური PCR ტესტირება სპეციალურმა პენიტენციურმა სამსახურმა გასული წლის ბოლოს დაიწყო.

3 იანვარს ჩატარებული ტესტირების შედეგად, მე-5 ქალთა პენიტენციურ დაწესებულებაში 23 შემთხვევა გამოვლინდა, რის შემდეგაც PCR-ტესტირება სხვა დაწესებულებებშიც ჩატარდა.

კერძოდ, 11 იანვარს, ტესტირება ჩაუტარდა ნომერ მე-2 ქუთაისის პენიტენციურ დაწესებულებაში მყოფ 883 პატიმარს, რომელთაგან მხოლოდ 1 აღმოჩნდა კოვიდ-დადებითი. 12 იანვარს, ინტენსიური PCR-ტესტირების ფარგლებში, ტესტირება ჩატარდა მე-6 რუსთავის პენიტენციურ დაწესებულებაში, რომლის შედეგებიც უახლოეს პერიოდში გახდება ცნობილი.

საბჭოს სხდომაზე ხაზგასმით აღინიშნა, რომ პენიტენციურ სისტემაში სრულად კონტროლდება ვითარება, სისტემის დაცულობისთვის ტარდება კომპლექსური პრევენციული ზომები და ამ ღონისძიებების შედეგად ხდება ვირუსის შესაძლო შემთხვევების დროული გამოვლენა და შესაბამისი მკურნალობა.

პრემიერ-მინისტრის პრესსამსახურის ინფორმაციით, საბჭომ ასევე იმსჯელა შეზღუდვების მოხსნის მომდევნო ეტაპამდე ბიზნესის მზადყოფნის აუცილებლობაზე და მიიღო ინფორმაცია ეკონომიკურ სუბიექტებთან შეხვედრების შესახებ, რომელიც მთავრობის მეთაურის დავალებით, ინტენსიურად იმართება. მიმდინარეობს ერთობლივი მუშაობა კერძო სექტორთან, რადგან ბიზნესმა ვირუსის პრევენციის მიზნით შემუშავებული დაცვის მექანიზმების და დამატებითი კომპონენტების გათვალისწინებით, გახსნის ეტაპზე უზრუნველყოს კოვიდუსაფრთხოების მაღალი სტანდარტი.

ამასთან, დაავადებათა კონტროლის ეროვნული ცენტრის ხელმძღვანელმა საბჭოს მიაწოდა ინფორმაცია, რომ ამ დროისთვის კორონავირუსზე ტესტირება ტაქსის 6 ათასზე მეტ მძღოლს ჩაუტარდა, თუმცა დადებითი შემთხვევების რაოდენობა 1%-ზე ნაკლებია. ასევე, კორონავირუსზე გაიტესტა სხვადასხვა კონფესიის 2 ათასზე მეტი მსახური და ინფიცირების მაჩვენებელი ამ შემთხვევაშიც 1%-ია. გაიზარდა ბაზრობებზე მოვაჭრეთა ტესტირების რაოდენობაც და 4 ათასი ტესტიდან დადებით შემთხვევათა რაოდენობა 1%-ზე ნაკლებია.

უწყებათაშორისმა საკოორდინაციო საბჭომ აღნიშნა, რომ მოქმედი შეზღუდვების შედეგად, შეინიშნება ვირუსით ინფიცირების შემთხვევების სტაბილიზაცია და პირველად, ბოლო თვეების განმავლობაში კორონავირუსზე ჩატარებული ტესტირებებიდან დადებითი პასუხები 10%-დან 8%-ზე ჩამოვიდა, თუმცა ეს მოდუნების საფუძველი არ უნდა გახდეს და კვლავაც უმნიშვნელოვანეს პრევენციულ ღონისძიებებად რჩება სოციალური დისტანციის დაცვა და პირბადეების ტარება, რათა ინფიცირების მაჩვენებლები კვლავ მნიშვნელოვნად გაიზარდოს.

ამასთან, აქტიურად გრძელდება ქვეყნის მასშტაბით დღეს მოქმედი შეზღუდვების აღსრულების კონტროლი. სამართალდამცველების მიერ განხორციელებული მონიტორინგის შედეგად, ბოლო 24 საათის განმავლობაში, ქვეყნის მასშტაბით, დაწესებული შეზღუდვების ფარგლებში მოქმედი რეგულაციების დარღვევის 1 195 ფაქტი გამოვლინდა.

ცნობისთვის, პოლიციამ ადმინისტრაციულ სამართალდარღვევათა კოდექსის 42(10)-ე მუხლის შესაბამისად, 145 ფიზიკური პირი დააჯარიმა. მათ შორის არიან მოქალაქეები, რომლებმაც 21:00-დან 05:00 საათამდე მოქმედი გადაადგილების შეზღუდვის წესი დაარღვიეს. პირბადის ტარების წესის დარღვევის ფაქტზე კი ბოლო 24 საათის განმავლობაში 1 050 ფიზიკური პირი დაჯარიმდა.

საქართველოში კორონავირუსის პირველი შემთხვევის გამოვლენიდან დღემდე, ვირუსით ინფიცირების 243 255 ლაბორატორიულად დადასტურებული შემთხვევა გამოვლინდა, საიდანაც 227 611 პირი გამოჯანმრთელდა, გარდაცვლილია 2 846 ადამიანი.

ამ ეტაპზე კარანტინში იმყოფება 496 ადამიანი, კლინიკურ სასტუმროებში - 579 მოქალაქე, ხოლო სტაციონარში, მეთვალყურეობის ქვეშ - 3 873 პირი.

პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს მუშაობაში აქტიურად მონაწილეობენ საქართველოს პარლამენტი, თავმჯდომარე არჩილ თალაკვაძის ხელმძღვანელობით და პრეზიდენტის ადმინისტრაცია.

აგრეთვე წაიკითხეთ: 👇

👉 „კოვაქს“ პლატფორმა მზად არის მოგვაწოდოს ვაქცინა სამედიცინო პერსონალისთვის“

👉 „ქვეყანაში ინფექციის მკვეთრი ზრდა არ არის“

დავით გარეჯის საქმე -
კარტოგრაფები - Pia.ge

ივერი მელაშვილსა და ნატალია ილიჩოვას დღე...

დავით გარეჯის საქმეზე დაკავებულებს ივერი მელაშვილსა და ნატალია ილიჩოვას ბრალს დღეს დაუზუსტებენ.

სინოპტიკოსების პროგნოზით, დღეს, 20 იანვარს საქართველოში მოსალოდნელია ჰაერის ტემპერატურის მნიშვნელოვანი კლება.

1611120295

მსოფლიო მასშტაბით კორონავირუსით ინფიცირებულთა საერთო რაოდენობა 96 მლნ-ს აჭარბებს. განახლებულ მონაცემებს worldometer-ი აქვეყნებს.

1611118045

პარტია „მოქალაქეების“ ლიდერი ალეკო ელისაშვილი „ლელოს“ ერთ-ერთ ლიდერს მამუკა ხაზარაძეს გადაცემა „ღამის კურიერის“ ეთერში დაუპირისპირდა. 

1611086976

აშშ-ის ახლადარჩეულმა პრეზიდენტმა ჯო ბაიდენმა განაცხადა, რომ ჯანდაცვის მინისტრის მრჩევლის პოსტზე პენსილვანიის მთავარ ექიმს, ტრანსგენდერ რეიჩელ ლევინს წარადგენს. ამის შესახებ Washington Post იტყობინება. 

1611086029
PIA.GE-ს დღიური

ვაქცინაციის გეგმის განხილვა, უთანხმოება ოპოზი...

PIA.GE-ს დღიური - რუბრიკა, სადაც დღის მნიშვნელოვან ამბებსა და პერსონებს წარმოგიდგენთ.

აშშ-მა „ჩრდილოეთ ნაკადი 2“-ის მშენებლობა...

ამერიკის შეერთებულმა შტატებმა „ჩრდილოეთის ნაკადი 2“-ის მშენებლობაში მონაწილე რუსული ხომალდის „ფორტუნას“ წინააღმდეგ სანქციები დააწესა. ამის შესახებ რუსული მედია იუწყება. 

ჭავჭავაძის გამზირზე განთავსებული ურნები...

იგეგმება ნარჩენების სეპარირების გამართული სისტემის შექმნა, რომელიც ნარჩენების ხარისხიანად გადამუშავებას უზრუნველყოფს. ამ ვალდებულებას საქართველოს ევროკავშირთან ასოცირების ხელშეკრულება აკისრებს - ამის შესახებ გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ განაცხადა.

პაატა ზაქარეიშვილი: ოპოზიციამ ხალხს რაღა...

კონფლიქტოლოგ პაატა ზაქარეიშვილის შეფასებით, ოპოზიციამ საზოგადოებას ახალი სტრატეგია და პრობლემების გადაჭრის ახალი გზები უნდა შესთავაზოს.