ვინ არის გარდაცვლილი კოვიდინფიცირებული პაციენტი
1600672238
თბილისის ინფექციური საავადმყოფოს სამედიცინო დირექტორის მარინა ეზუგბაიას ინფორმაციით, გარდაცვლილი მე-20 კოვიდინფიცირებული პაციენტი 60 წლის ქალია, რომელიც აფხაზეთიდან გადმოიყვანეს.
მისი თქმით, კოვიდინფიცირებულის მდგომარეობა კრიტიკულად მძიმე იყო. მას ქრონიკული დაავადება ჰქონდა.
„გარდაცვლილი პაციენტი აფხაზეთიდან გახლავთ გადმოყვანილი. მასთან ერთად გადმოყვანილი იყო კიდევ 3. ოთხივეს მდგომარეობა კრიტიკულად მძიმე იყო. სამწუხაროდ, ოთხიდან ერთ-ერთის, 60 წლის ქალის მდგომარეობა არ გაუმჯობესდა და გარდაიცვალა“, - აღნიშნა მარინა ეზუგბაიამ.
მარინა ეზუგბაიას განცხადებით, კოვიდინფიცირებული ქუთაისის ერთ-ერთ კლინიკაში მკურნალობდა.
ამ დროისთვის ქვეყანაში კორონავირუსის 3695 შემთხვევაა დადასტურებული, მათ შორის 1534 გამოჯანმრთელებულია.
