„ბაქო-თბილისის-ყარსის (BTK) სარკინიგზო მაგისტრალით პირველი საექსპორტო მატარებელი თურქეთიდან ჩინეთში 4 დეკემბერს გაემგზავრება“, - ამის შესახებ თურქეთის სახელმწიფო რკინიგზაში განაცხადეს.
მატარებელი, რომელშიც 42 კონტეინერი იქნება, მარმარაის სარკინიგზო სადგურიდან აიღებს კურსს, შემდეგ ბაქო-თბილისი-ყარსის რკინიგზით საქართველო-აზერბაიჯანი-კასპიის ზღვის გავლით, ყაზახეთამდე 8 693 კილომეტრს გაივლის და ჩინეთის ქალაქ სიანამდე 12 დღეში მიაღწევს.
👉 ინფორმაციისთვის, BTK 2017 წლის 30 ოქტომბერს გაიხსნა. სარკინიგზო ხაზი აზიისა და ევროპის სარკინიგზო ქსელებს აკავშირებს. ეს არის უმოკლესი გზა არა მხოლოდ სამ ქვეყანას, არამედ აზიასა და ევროპას შორის.
👉 BTK საშუალებას იძლევა ტვირთის გადაზიდვაზე დახარჯული დრო 2-ჯერ შემცირდეს. BTK რკინიგზა ხელს უწყობს ცენტრალური აზიის ქვეყნების - თურქმენეთის, ყაზახეთის, უზბეკეთის, ყირგიზეთის, ტაჯიკეთისა და ავღანეთის ევროპულ და მსოფლიო ბაზრებზე შესვლას.
👉 საერთო ჯამში, 846 კმ-დან 504 კმ აზერბაიჯანის ტერიტორიაზე მოდის, ხოლო 263კმ-იანი მონაკვეთი საქართველოზე გადის. რკინიგზის 79 კმ კი თურქეთში მდებარეობს.
👉 პირველ ეტაპზე 5 მლნ ტონა ტვირთის ტრანსპორტირებაა დაგეგმილი, შემდეგ ეტაპზე - კი 17 მილიონი ტონა ტვირთის გადაზიდვა მოხდება.