მთავარი

ძიება

ვიდეო

ქვიზები

კონტაქტი

ეროვნული ბანკი სავალუტო ბაზრის რეფორმის შესახებ საინფორმაციო შეხვედრებს მართავს

საქართბელოს ეროვნული ბანკის შენობა

ეროვნულმა ბანკმა ბლუმბერგის სისტემის ახალი Bmatch პლატფორმის შესახებ საინფორმაციო შეხვედრების გამართვა დაიწყო. ინფორმაციას ეროვნული ბანკის პრესსამსახურის წარმომადგენელი ავრცელებს.

კომპანიის წარმომადგენლები უცხოური ვალუტის ყიდვის ან გაყიდვის ოპერაციების განხორციელებისას Bmatch პლატფორმის გამოყენების ძირითად საკითხებს გაეცნენ.

„ეროვნულმა ბანკმა შეხვედრის მონაწილეებს სავალუტო ბაზარზე საქმიანობის ახალი წესებიც წარუდგინა. ახალი წესი და Bmatch პლატფორმა სავალუტო ბაზრის მასშტაბური რეფორმის ნაწილია. რეფორმა ორ მიმართულებას მოიცავს, ერთი მხრივ, სავალუტო ბაზარზე ახალი წესების შემოღებას, რომელიც გლობალური სავალუტო კოდექსის ქართულ ბაზარზე დანერგვას შეუწყობს ხელს, ხოლო მეორე მხრივ - ბლუმბერგის Bmatch პლატფორმის ამოქმედებას და მასზე ბანკებთან და მიკროსაფინანსო ორგანიზაციებთან ერთად კლიენტთა ფართო წრის დაშვებას“,- ნათქვამია გავრცელებულ ინფორმაციაში.

გავრცელებული ინფორმაციის თანახმად, კომპანიებს საშუალება ექნებათ საკუთარი განაცხადი ბლუმბერგის სავაჭრო პლატფორმაზე განათავსონ და გარიგებები სხვა ფინანსურ დაწესებულებებთან ან კომპანიებთან ბაზარზე იმ მომენტისათვის არსებული საუკეთესო კურსებით დადონ. რეფორმის მიზანია სავალუტო ბაზარზე საუკეთესო საერთაშორისო პრაქტიკის შესაბამისი ახალი მიდგომების დანერგვა, უფრო მეტი გამჭვირვალობის მიღწევა, კონკურენციის გაზრდა და მომხარებელთა უფლებების უკეთ დაცვა. სავალუტო ბაზრის რეფორმის პირველი ეტაპის დაწყება 1-ლი ოქტომბრიდან იგეგმება. სწორედ ამ პერიოდიდან ამოქმედდება სავალუტო ბაზარზე საქმიანობის ახალი წესი და მოხდება Bmatch პლატფორმაზე კომპანიების აქტიური დაშვება.

შემდეგი შეხვედრა 16 სექტემებრს გაიმართება. დეტალური ინფორმაცია ხელმისაწვდომია შემდეგ ბმულზე.