გაიზრდება თუ არა პურის ფასი? - ხორბლისა და ფქვილის მწარმოებელთა ასოციაციის დირექტორის განმარტება

გაიზრდება თუ არა ფასები პურსა და ფქვილზე საქართველოში? - ამასთან დაკავშირებით PIA.GE-სთან კომენტარი ხორბლისა და ფქვილის მწარმოებელთა ასოციაციის დირექტორი ლევან სილაგავამ გააკეთა. 

„15 თებერვლიდან რუსეთში კვოტირება ხდება ხორბალზე, შესაბამისად, საბაჟო ფასი იზრდება. აქედან გამომდინარე, ხორბლის ფასი იზრდება მსოფლიო ბაზრებზეც. ხორბლის ფასის იმპორტი გაძვირდება, მაგრამ 4 თვიანი სახელმწიფო სუბსიდირების პროგრამა მოქმედებს 1-ელ აპრილამდე.

2 თვიანი ტენდერი უკვე ჩატარებულია და „პურის ფასების შენარჩუნების სახელმწიფო პროგრამის“ მეშვეობით არ გაძვირებულა და არც გაძვირდება პირველადი მოხმარების პური. ტენდერში მონაწილე კომპანიებს ვალდებულება აქვთ არ გაძვირდეს ფქვილი და მწარმოებლებს მიეწოდოთ 53 ლარად. თუ ამ პირობას დაარღვევენ, 50 000 ლარის ჯარიმა დაეკისრებათ. 53 ლარი მიწოდების ფასი არის გარანტირებული.

თუმცა, ვინაიდან ფქვილის საბაზრო ფასი გახლავთ 68 ლარი, ორი თვის შემდეგ სახელმწიფოს მოუწევს ფასი არა 10, არამედ 15 ლარით დაასუბსიდიროს. ჩვენ, როგორც ფქვილისა და პურის მწარმოებლებმა, სახელმწიფოს მივაწოდეთ ინფორმაცია, თუ რა ხდება პურის ბაზარზე და ვუთხარით, რომ პირველი ეტაპის სუბსიდირება საკმარისი არ იქნება. დანარჩენი სახელმწიფოს გადასაწყვეტია." - განაცხადა საქართველოს ხორბლისა და ფქვილის მწარმოებელთა ასოციაციის დირექტორმა ლევან სილაგავამ

გავრცელდა ინფორმაცია იმის შესახებ რომ 15 თებერვლიდან შესაძლოა, პური გაძვირდეს. სახელმწიფო სუბსიდირების პროგრამა ოთხ თვეს მოიცავს, თუმცა ტენდერი მხოლოდ ორ თვეზეა გამოცხადებული. მომდევნო ორ თვეში სახელმწიფოს შეიძლება მოუწიოს სუბსიდირება არა 10 ლარის, არამედ 15 ლარის.

იხილეთ აგრეთვე:

🖇დავითაშვილი: ჩვენი ჩარევის გარეშე პურის ფასი გაიზრდებოდა

🖇45 თეთრიდან 10 ლარამდე - რა ღირს პური მსოფლიოში?🖇