ეკონომიკა

მაჭავარიანი: ქვეყნები, საიდანაც ტურისტების ლომის წილი შემოდიოდა, დღეს ეპიდემიის პიკში არიან

ვანო მაჭავარიანის განცხადება ბიუჯეტზე
09:05 08.07
დაკოპირებულია

„რისკი უნდა ავიღოთ იმ მიმართულებებზე, საიდანაც COVID-19-ის გავრცელების ალბათობა დაბალია, მაგრამ ტრადიციულად, მაღალია ტურისტების ნაკადი და შესაბამისად, შემოსავლები”, - აღნიშნა ფინანსთა მინისტრმა ივანე მაჭავარიანმა ტელეკომპანია „იმედის“ ეთერში საზღვრების გახსნის მიზანშეწონილობაზე საუბრისას.

მისი თქმით, მნიშვნელოვანია ზუსტად იყოს დათვლილი რეალური რისკი და პოტენციური სარგებელი.

„კიდევ ერთხელ, მინდა განვმარტო, თუ რატომ ვართ ფრთხილები საზღვრების გახსნასთან დაკავშირებით. ქვეყნები, საიდანაც საქართვეველოში ტურისტების ლომის წილი შემოდიოდა, სამწუხაროდ, დღეს ეპიდემიის პიკში არიან და მათთან არ შემცირებულა ვირუსის გავრცელების მაჩვენებელი. მიუხედავად იმისა, რომ ევროკავშირში ჩვენს მეზობელ ქვეყნებთან შედარებით უფრო დაბალი გავრცელებაა, რისკი მაინც არსებობს. შეიძლება ჩვენ ასეთი რეალური სურათის წინაშე დავდგეთ: მივიღებთ ეკონომიკურად ძალიან მცირე შედეგს, მაგრამ ტურისტების რაოდენობა საკმარისი იქნება იმისთვის, რომ საქართველოში ვირუსი გავრცელდეს.

რეალური რისკი და პოტენციური სარგებელი ამ შემთხვევაში არ ბალანსდება. ზოგი ამბობს, რომ ეს რისკი 2-3 თვის შემდეგაც იქნება და ამიტომ გარდაუვალია საზღვრების გახსნა, მაგრამ ჩვენ რისკი უნდა ავიღოთ იმ მიმართულებებზე, საიდანაც კორონავირუსის გავრცელების ალბათობა დაბალია, მაგრამ ტრადიციულად, მაღალია ტურისტების ნაკადი და შესაბამისად, შემოსავლები. ეს არის დაბალანსებული და სწორი რისკი.

არასწორი იქნება რისკი, თუ ჩვენ გავუხსნით საზღვარს ქვეყანას, საიდანაც ბევრი ტურისტი შემოდის და დიდია ვირუსის გავრცელების რისკიც. ევროკავშირის ქვეყნებს ჩვენ შემდეგნაირად ვუდგებოდით - იქ, საიდანაც ჩამომსვლელების რაოდენობა ასე თუ ისე მატერიალურად საინტერესოა, მაგალითად, აღმოსავლეთ ევროპის, ბალტიის ქვეყნები და ამავდროულად, რისკი დაბალია, ეს უკვე ნიშანია, რომ შეიძლება მოლაპარაკებების დაწყება და საზღვრის გახსნა, მაგრამ საიდანაც დაბალია გავრცელების რისკი, მაგრამ ამავდროულად, ტურისტებიც ძალიან ცოტაა და მატერიალური ხელშესახები შედეგი ამას არ აქვს, შეიძლება ვირუსის მინიმალური გავრცელება მოჰყვეს. მაგალითად, იტალიამ საქართველოს საზღვარი არ გაუხსნა. რატომ, საქართველო ხომ უსაფრთხოა? თუმცა, მათ შეხედეს, რომ მატერიალური თვალსაზრისით ეს არაა საინტერესო მიმართულება და ის მინიმალური, ნულთან მიახლოებული რისკიც კი არ აიღო, თუმცა დიდ ბრიტანეთს გაუხსნეს საზღვარი, საიდანაც გავრცელების რისკი უფრო დიდია, თუმცა ამ რისკზე წასვლა იტალიას უღირს, იმიტომ რომ მატერიალურად მნიშვნელოვანია და მასშტაბურია დიდი ბრიტანეთიდან ჩასულთა რაოდენობა. ჩვენც ამ ლოგიკით უნდა ვიხელმძღვანელოთ“, - განაცხადა ფინანსთა მინისტრმა ივანე მაჭავარიანმა.

როგორც მან აღნიშნა, უახლოეს პერიოდში, როგორც კი საქართველოს მეზობელ ქვეყნებში, ასევე ზოგადად, რეგიონში შენელდება ვირუსის გავრცელების მაჩვენებელი და გაუთანაბრდება ევროპის მაჩვენებლებს, ბევრად უფრო გამართლებული იქნება რისკის აღება, მინიმალური გავრცელების რისკის დაშვება და საზღვრების გახსნა, რადგან ქვეყანა ამ შემთხვევაში მნიშვნელოვან შემოსავალს მიიღებს ტურიზმიდან.

მოსამართლის ჩაქუჩი

რაგბის კავშირის ვიცე-პრეზიდენტს აღკვეთის...

რაგბის კავშირის ვიცე-პრეზიდენტს მერაბ ბესელიას პატიმრობა შეეფარდა. გადაწყვეტილებ...
პროკურორ დავით გუმბერიძის განცხადებით, დავით ფურცხვანიძის პასუხები ზოგადია და არ კონკრეტდება ის პირო...
22:02 19.09
„ქართული ოცნების“ ისნის მაჟორიტარობის კანდიდატი კახა კახიშვილი ამბობს, რომ ოპონენტების მიმართ პატივი...
21:52 19.09
„რუსეთთან ორმხრივი ურთიერთობების ნორმალიზება არის შესაძლებელი მას შემდეგ, რაც მოხდება ჩვენი ტერიტორი...
21:43 19.09
„მე უფრო მომხრე ვარ ისეთი ტიპის საარჩევნო სისტემის, მათ შორის მაჟორიტარული სისტემის, სადაც პირდაპირი...
21:31 19.09
ქართველი ნიჩბოსან მორიგი ტრიუმფი უნგრეთში
უნგრეთში ნიჩბოსანთა შეჯიბრი „ოლიმპიური იმედები“ მიმდინარეობს. აღნიშნულ ტურნირზე მონაწილეობას ქართვე...
21:21 19.09
კასპში კაცი მოკლეს
კასპში, სამასი არაგველის ქუჩაზე მკვლელობა მოხდა. არსებული ინფორმაციით, მკვლელობ...
თანაინვესტირების ფონდი: ბიძინა ივანიშვილ...
„გვსურს გამოვეხმაუროთ ტელეკომპანია პირველის ეთერში გასულ ანონსს, თითქოს ბატონი ბ...
არჩილ თალაკვაძე: 2012 წლის შემდეგ ხელისუ...
„2012 წლის შემდეგ ჩვენმა ხელისუფლებამ განახორციელა მნიშვნელოვანი რეფორმები სასამ...