ნამახვანი ჰესების კასკადის მოსამზადებელი სამუშაოები აქტიურ ფაზაში შედის
1591344187
წყალტუბოს მუნიციპალიტეტში, ნამახვანის ჰესების კასკადის პროექტის ფარგლებში, რომლის სამშენებლო ნებართვა კომპანია ENKA Renewables-მა 22 აპრილს მიიღო, მოსამზადებელი სამუშაოები დაიწყო.
ამის შესახებ PIA.GE-ს ENKA Renewables-ში აცნობეს.
კომპანიის წარმომადგენლის თქმით, ნამახვანი ჰესების კასკადის პროექტი, რომელიც 433 მეგავატი ჯამური სიმძლავრის მქონე ორი ჰიდროელექტროსადგურისგან შედგება, მდინარე რიონზე, წყალტუბოსა და ცაგერის მუნიციპალიტეტებში განხორციელდება.
პროექტის საინვესტიციო ღირებულება $800 მლნ–ს შეადგენს.
საპროექტო კომპანია ENKA Renewables-ის („ენკა რენიუებლზ“) ძირითადი აქციონერია თურქული კომპანია ENKA, რომელიც მშენებლობისა და ინჟინერიის დარგში საერთაშორისო ბაზარზე 60 წელიწადზე მეტია მოღვაწეობს. პროექტის მცირე წილი კი ნორვეგიულ კომპანია Clean Energy Group-ს ეკუთვნის.
ნამახვანის ჰესების კასკადი ექსპლუატაციაში 2024 წელს შევა და მნიშვნელოვან წვლილს შეიტანს საქართველოს ენერგოდამოუკიდებლობის განმტკიცებაში - მისი წლიური გამომუშავება 1,500.00-მდე გგვტ.სთ იქნება.
