ეკონომიკა

პარლამენტმა ენერგოეფექტურობის შესახებ კანონი დაამტკიცა

ენერგოეფექტურობა
19:53 22.05
დაკოპირებულია

პარლამენტმა ენერგოეფექტურობის შესახებ კანონი დაამტკიცა. ეკონომიკის მინისტრ ნათია თურნავას შეფასებით ახალი კანონი საქართველო ევროპასთან დააახლოვებს. მისი თქმით ახლა მთავარი ამოცანაა ენერგეტიკული სექტორი რეალურად გარდაიქმნას ევროპული სტანდარტებით აგებულ მწვანე ენერგოსექტორად.

„ჩვენ დავაფუძნეთ ენერგეტიკული ბირჟა, გავატარეთ შესაბამისი საკანონმდებლო ცვლილებები და ამოცანა არის, რომ ჩვენი საკუთარი მწვანე რესურსი უფრო ეფექტურად გამოვიყენოთ. გარდა ამისა, ვისწავლოთ ამ რესურსის ეფექტიანი მოხმარება. აქედან გამომდინარე, ვულოცავ მთელ ენერგეტიკულ სექტორს, მთლიანად საქართველოს ამ მნიშვნელოვან ნაბიჯს, რომელიც ყველაფერთან ერთად უფრო მეტად გვაახლოებს ევროკავშირთან და ევროკავშირში არსებულ წესებთან“, - აღნიშნა ნათია თურნავამ.

ენერგეტიკული რეფორმის ფარგლებში, პარლამენტმა ასევე დაამტკიცა კანონპროექტი ენერგოეფექტური შენობების შესახებ. ორივე კანონის მიღება საქართველოს ენერგეტიკული რეფორმის შემადგენელია, რომელსაც ქვეყანა ევროკავშირთან „ასოცირების შეთანხმების“ გაფორმებისა და შესაბამისად, საქართველოს „ენერგეტიკულ გაერთიანებაში“ გაწევრიანების საფუძველზე ახორციელებს. საქართველოსთვის, როგორც აღნიშნული გაერთიანების წევრი სახელმწიფოსთვის, სავალდებულო გახდა შესაბამისი ევროდირექტივების ეროვნულ კანონმდებლობაში იმპლემენტაცია. 

შენობების ენერგოეფექტიანობის შესახებ კანონის მიზანია, შენობების ენერგოეფექტიანობის გაზრდის ხელშეწყობა, რასაც, სათბური გაზების ემისიის შემცირებასთან ერთად, გააჩნია სხვა ბევრი ისეთი დადებითი შედეგიც, როგორიცაა მაგალითად სამშენებლო სექტორში დასაქმებულთა რაოდენობის გაზრდა, ტექნოლოგიების განვითარება და ინოვაცია, ჰაერის, წყლის მიწის დაბინძურების შემცირება, ადამიანის ჯანმრთელობისა და კომფორტის დონის გაზრდა, ენერგიის მოხმარებაზე გადასახადების შემცირება და სხვ.

განმარტებითი ბარათის თანახმად ენერგოეფექტურობის შესახებ კანონის მიზნების შესრულება ხელს შეუწყობს ენერგიაზე მოთხოვნის ეკონომიკურად და ეკოლოგიურად მიზანშეწონილი მართვის პრაქტიკის დანერგვას; ენერგორესურსების იმპორტზე დამოკიდებულების შემცირებას, შესაბამისად ენერგეტიკული უსაფრთხოების გაზრდას, რაც ასევე უზრუნველყოფს ქვეყნიდან გასული ვალუტის შემცირებას; როგორც გარე, ეკოლოგიური მდგომარეობის ასევე, შენობების შიდა კლიმატური პირობების გაუმჯობესებას, რაც ჯანმრთელობის დაცვის, შრომისუნარიანობის ამაღლებისა და საგანმანათლებლო დაწესებულებებში სასწავლო პროცესის გაუმჯობესებისა და შესაბამისად მოსწავლეების განვითარების ერთ-ერთი ფაქტორია.  

აჭარის ჯანდაცვის მინისტრი

„აჭარაში კოვიდშემთხვევების მატება მომდევ...

დღეს, 23 სექტემბერს აჭარის ჯანდაცვის მინისტრმა ნინო ნიჟარაძემ რეგიონში არსებულ ე...
20:12 23.09
საფრანგეთის მთავრობა კორონავირუსის გავრცელების პრევენციის მიზნით ახალი მკაცრი ზომების დაწესებას გეგმ...
05:37
ჟურნალმა „თაიმსმა“ წლის ყველაზე გავლენიანი ადამიანების ასეული გამოავლინა. წელს რეიტინგში 54 ქალი მოხ...
04:25
იაპონია საზღვრების გახსნას საშუალო და გრძელვადიანი ვიზიტორებისთვის გეგმავს და დაწესებული შეზღუდვების...
03:04
კორონავირუსის პანდემიის გამო ნობელის კომიტეტმა სტოკჰოლმში, პრემიის გადაცემის ცერემონიის გადავადების...
02:34
ჯერჯერობით უცნობია, მოჰყვა თუ არა შემთხვევას მსხვერპლი. ლიბანში აფეთქება მოხდა
ლიბანში, დედაქალაქ ბეირუთიდან 50 კილომეტრით სამხრეთით, სოფელ ეინ ქანაში ძლიერი აფეთქება მოხდა, - ამი...
„ივანიშვილი დასამარცხებელია, სააკაშვილი...
დღეს, 23 სექტემბერს ოპოზიციის საერთო კანდიდატმა დიდუბე-ჩუღურეთის საარჩევნო ოლქში...
გოგი წულაიას ოპერაციას ხვალ გაუკეთებენ
პარტია „თავისუფალი საქართველოს“ იმერეთის ბიუროს ხელმძღვანელს გოგი წულაიას ოპერაც...
22:26 23.09
NCDC-ის რეკომენდაციები COVID 19-თან საბრ...
დაავადებათა კონტროლისა და საზოგადოებრივი ჯანმრთელობის ეროვნული ცენტრი საზოგადოებ...