მთავარი

ძიება

ვიდეო

ქვიზები

კონტაქტი

პირველი თებერვლიდან მოლების გახსნა დამატებითი სტანდარტების მიხედვით მოხდება

პრემიერ-მინისტრის დავალებით ბიზნესის წარმომადგენლებთან ინტენსიური შეხვედრები გრძელდება

შეზღუდვების ეტაპობრივი მოხსნის დაწყებამდე, მორიგი სამუშაო შეხვედრა გაიმართა სავაჭრო მოლების წარმომადგენლებთან, ამის შესახებ ინფორმაციას ეკონომიკის სამინისტრო ავრცელებს. 

შეხვედრას ეკონომიკისა და მდგრადი განვითარების მინისტრის მოადგილეები ირაკლი ნადარეიშვილი და გენადი არველაძე, შრომითი ინსპექციის ხელმძღვანელი ბექა ფერაძე, ბიზნესომბუდსმენის მოვალეობის შემსრულებელი ნინო კვეტენაძე და დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელი ხათუნა ზახაშვილი ესწრებოდნენ.

სამინისტროს ინფორმაციით, შეხვედრაზე კიდევ ერთხელ განიხილეს ის სტანდარტები, რაც მოლების უსაფრთხო გახსნისა და ეპიდემილოგიური უსაფრთხოების დაცვისთვისაა სავალდებულო.

ეკონომიკისა და მდგრადი განვითარების მინისტრის მოადგილის, ირაკლი ნადარეიშვილის თქმით, საქართველოს მთავრობა აქტიურად მუშაობს 1-ლი თებერვლიდან ბიზნესსექტორების გახსნაზე.

„ამ ფარგლებში შედგა მორიგი სამუშაო შეხვედრა სავაჭრო სექტორთან, სადაც განვიხილეთ ის პირობები, თუ რისი დაკმაყოფილება მოუწევს სექტორს იმისთვის, რომ შეუფერხებლად მოხდეს მათი ფუნქციონირების, საქმიანობის განახლება 1-ლი თებერვლიდან.

მათ შორის, ეს მოიცავს როგორც წინა პერიოდში შემუშავებულ და განხორციელებულ რეგულაციებს, ასევე განიხილება კომპანიების თანამშრომლების რეგულარული გატესტვა, რომელიც იქნება ერთ-ერთი პირობა იმისა, რომ ბიზნესმა უწყვეტ რეჟიმში გააგრძელოს მუშაობა“, - აღნიშნა ირაკლი ნადარეიშვილმა.

შეგახსენებთ, საკოორდინაციო საბჭოს გადაწყვეტილებით, ქვეყანაში არსებული შეზღუდვები პირველ თებერვლამდე გახანგრძლივდა.

აგრეთვე წაიკითხეთ: 👇

👉 შეზღუდვები პირველ თებერვლამდე გახანგრძლივდება

👉 ყველა შეზღუდვა, რომელიც დღეს დაწესდა

👉 კორონავირუსის მესამე ტალღის გავრცელების ნიშნები შეინიშნება ევროპის ბევრ ქვეყანაში