ეკონომიკა

თურნავა: საქართველო მდიდარია ნიჭიერი და კრეატიული ადამიანებით

ეკონომიკის მინისტრი
23:34 15.10
დაკოპირებულია

„საქართველო მდიდარია ნიჭიერი და კრეატიული ადამიანებით. სტარტაპები, ინოვაციები არის ჩვენი მომავალი და ძალიან დიდ მხარდაჭერას ვუცხადებთ ინოვაციურ ეკოსისტემას“, - ამის შესახებ ეკონომიკის მინისტრმა ნათია თურნავამ ქართული სტარტაპებისთვის გამართულ „დემო-დღეზე“ მედიის წარმომადგენლებს განუცხადა.

ეკონომიკის სამინისტროს ინოვაციებისა და ტექნოლოგიების სააგენტოს ინიციატივითა და საქართველოს ბანკის ფინანსური მხარდაჭერით გამართულ ღონისძიებაზე მსოფლიოს ერთ-ერთი წამყვანი გლობალური ბიზნესსაქსელერატორის - 500 Startups-ის მიერ შერჩეული სტარტაპებიდან ორი გამარჯვებული - CARDEAL (ავტომობილების აუქციონის საერთაშორისო ბაზარი) და Cargon (ინტელექტუალური ლოგისტიკური პლატფორმა) გამოვლინდა, რომლებიც 2021 წლის გაზაფხულზე „სილიკონის ველიზე“ (Silicon Valley) გაემგზავრებიან და 500 Startups-ის ერთთვიან პროგრამაში მიიღებს მონაწილეობას.

„მთავრობის მხარდაჭერით ინოვაციებისა და ტექნოლოგიების სააგენტომ ჩამოიყვანა მსოფლიოს ტოპ-სამეულში შესული ,500 Startups - ეს არის ერთ-ერთი ძალიან ცნობილი აქსელერატორი, რომელიც ვენჩურული კაპიტალის კომპანიაა და სწორედ სტარტაპებში დებს ფულს. დღეს შედგა უპრეცედენტო დღე თბილისისთვის - პირველი „დემო-დღე“ ქართველი სტარტაპებისთვის, რომლებიც შეირჩნენ სწორედ ჩვენი ამერიკელი პარტნიორების მიერ და მათ ჰქონდათ შესაძლებლობა, ონლაინ რეჟიმში, მთელი მსოფლიოს, მათ შორის ამერიკელი ინვესტორებისთვის მოეხსენებინათ საკუთარი ბიზნესიდეების შესახებ. თითოეულმა მათგანმა ძალიან მოკლე დროში, ორ წუთში შეძლო წარმოეჩინა თავისი იდეა და დარწმუნებული ვარ, ძალიან დიდი ინტერესი დაიმსახურა ინვესტორების მხრიდან“ , - აღნიშნა ნათია თურნავამ.

მინისტრის შეფასებით, მთავრობის მხარდაჭერით გამართულმა მთელმა პროცესმა, რაც გულისხმობს სტარტაპების ტრენინგსა და შერჩევას, უკვე გამოიღო პირველი შედეგი და მათ, პრაქტიკულად, ერთ ჩადებულ დოლარზე უკვე მოიზიდეს ათჯერ მეტი ინვესტიცია - ეს არის 4 მილიონი დოლარი, რომელიც იქნა მოზიდული ქართული სტარტაპების მიერ მხოლოდ და მხოლოდ ამ შერჩევის პროცესში.

„მათ წინ აქვთ კიდევ ვიზიტი „სილიკონ ველიზე“ და ჩვენ გავაგრძელებთ ინოვაციური ეკოსისტემის მხარდაჭერას“, - განაცხადა მინისტრმა.

ნათია თურნავამ კიდევ ერთხელ ხაზგასმით აღნიშნა საქართველოს მთავრობის მიერ რამდენიმე დღის წინ მიღებული მნიშვნელოვანი გადაწყვეტილება, რომელიც განსაკუთრებულ შეღავათიან რეჟიმს გულისხმობს სწორედ აიტი კომპანიებისთვის, რომლებიც არიან კომპიუტერული ტექნოლოგიებითა და პროგრამირებით დაკავებულნი.

„ჩვენ მათ შევთავაზეთ საშემოსავლო და მოგების ძალიან დაბალი - ხუთპროცენტიანი გადასახადი და პირველივე გამოხმაურება იყო ის, რომ ერთ-ერთი მსხვილი ამერიკული აიტი კომპანია ,ეპამი“ ხსნის საქართველოში ოფისს - უკვე გადმოიყვანა თავისი თანამშრომლები და მომავალში დაასაქმებს საქართველოს ათასამდე მოქალაქეს. ეს არის ჩვენი ეკონომკური სტრატეგიის ერთ-ერთი დიდი მიმართულება, რომელიც უფრო მეტ ახალ ცოდნას, ახალ ტექნოლოგიებს მოუტანს ჩვენს ქვეყანას და რა თქმა უნდა, მეტ დასაქმებულსაც“, - განაცხადა ნათია თურნავამ

სომხეთ-აზერბაიჯანის კონფლიქტი

სომხეთ-აზერბაიჯანის კონფლიქტი - უახლესი...

ახალი ამბების სააგენტო Pia.ge გაგაცნობთ ყარაბაღის ტერიტორიაზე მიმდინარე სამხედრო...
წალენჯიხის მუნიციპალიტეტის სოფელ ლიაში ავტოსაგზაო შემთხვევის შედეგად ქვეითად მოსიარულე 5 წლის ბავშვი...
23:35 20.10
დევნილთა, ეკომიგრანტთა და საარსებო წყაროებით უზრუნველყოფის სააგენტო ნგრევად შენობებში მცხოვრებ 274 დ...
23:11 20.10
„ეს არ არის ივანიშვილის გუნდი. ეს არის კობახიძის გუნდი და კობახიძე ვერანაირ არჩევნებს ვერ მოიგებს. მ...
23:03 20.10
ბიზნესმენ გოგი თოფაძის განცხადებით, მისი შვილიშვილის მკვლელობის მცდელობაში ბალდებული ბუსა ჟვანიასთვი...
22:16 20.10
გამყრელიძის მოადგილე პაატა იმნაძე: ტესტირებისთვის კარვების დადგმის...
„კარვების დადგმის გადაწყვეტილება ცოტა პოპულისტური იყო ჩვენი მხრიდან. ბათუმში 5 კარავი იყო გაშლილი. ა...
21:49 20.10
ბექა ლილუაშვილი: ეკონომიკაში ერთი მილიარ...
„მომდევნო ოთხი წლის განმავლობაში საქართველოს ეკონომიკაში ჩაიდება ერთი მილიარდი ლ...
ბექა ლილუაშვილი: „ქართული ოცნების“ მთავა...
„დღეს არსებული გლობალური პანდემიის და რეგიონში არსებული მძიმე ეკონომიკური გამოწვ...
საქართველოსა და ლონდონის სავაჭრო-სამრეწვ...
გაერთიანებულ სამეფოში საქართველოს სავაჭრო-სამრეწველო პალატასა და ლონდონის სავაჭრ...