ეკონომიკა

კობა გვენეტაძემ სსფ-ის შეხვედრაში მიიღო მონაწილეობა

ეროვნული ბანკის
პრეზიდენტი
1603266896
დაკოპირებულია

საერთაშორისო სავალუტო ფონდისა და მსოფლიო ბანკის ყოველწლიური შეხვედრების ფარგლებში, საქართველოს ეროვნული ბანკის პრეზიდენტმა კობა გვენეტაძემ მონაწილეობა მიიღო სსფ-ის ახლო აღმოსავლეთისა და ცენტრალური აზიის ცენტრალური ბანკების მმართველთა (ვირტუალურ) შეხვედრაში, რომელშიც რეგიონის 29 ქვეყნის ცენტრალური ბანკის ხელმძღვანელი მონაწილეობდა. ინფორმაციას ეროვნული ბანკის პრესსამსახურის წარმომადგენელი ავრცელებს.

„დისკუსიის მთავარი თემა მონეტარული და ფინანსური სექტორის პოლიტიკით ეკონომიკის აღდგენის ხელშეწყობა და ფინანსური სტაბილურობის შენარჩუნება იყო. შეხვედრას სსფ-ის მმართველი დირექტორის პირველი მოადგილე, ჯეფრი ოკამოტო უძღვებოდა“, - აღნიშნულია გავრცელებულ ინფორმაციაში.

არსებული ინფორმაციის თანახმად, ღონისძიების წამყვან სპიკერებად მიწვეულები იყვნენ საქართველოს ეროვნული ბანკის პრეზიდენტი კობა გვენეტაძე და მაროკოს ცენტრალური ბანკის პრეზიდენტი აბდელატიფ იუაჰრი. შეხვედრის მიმდინარეობისას მონაწილეებმა განიხილეს ფინანსური სექტორის პოლიტიკის როლი ინკლუზიური ზრდის ხელშეწყობაში და, ამასთანავე, ფინანსური სტაბილურობის ასპექტები პანდემიის პირობებში. საქართველოს ეროვნული ბანკის პრეზიდენტმა გამოსვლისას ისაუბრა COVID-19-ის პანდემიის ქვეყნის საფინანსო სექტორზე უარყოფითი ზეგავლენის შერბილებისა და ქვეყნის ეკონომიკის წახალისების მიზნით გადადგმულ ნაბიჯებზე. ასევე, ყურადღება გაამახვილა ფინანსური სექტორის გაძლიერების მიზნით გატარებულ პოლიტიკასა და სექტორში არსებულ გამოწვევებზე.

„სწორედ წინა წლებში გატარებული რეფორმების შედეგად, საქართველოს ფინანსური სექტორი პანდემიურ კრიზისს კარგად მომზადებული შეხვდა - საჭირო კაპიტალისა და ლიკვიდობის ბუფერებით, აქტივების მაღალი ხარისხითა და უმოქმედო სესხების ისტორიულად დაბალი მაჩვენებლით. კორონა ვირუსის გავრცელებასთან ერთად, ჩვენ რამდენიმე გამოწვევის წინაშე დავდექით.

პირველი, ვიცოდით, რომ საბანკო სექტორი ჯანსაღი იყო, მაგრამ შოკის სიდიდე გაურკვეველი იყო. მეორე, ბაზარზე იყო ნდობის შოკი, რასაც ეკონომიკის დაკრედიტების შეფერხება და შოკის გაძლიერება შეეძლო. მესამე, არსებობდა მაღალი საოპერაციო რისკი, რაც უკავშირდებოდა პანდემიის განვითარების დაუდგენელ ტემპს, ჩაკეტვასა (lockdown) და, შესაბამისად, ადამიანური რესურსის შეზღუდვას როგორც მარეგულირებლისთვის, ასევე ფინანსური სექტორისთვის.

ამ გამოწვევების საპასუხოდ, ჩვენ შევიმუშავეთ დროებითი საზედამხედველო გეგმა, რომელმაც ჩაკეტვის პერიოდში კრედიტორებს საგრძნობი მოცულობის სესხის მომსახურების გადავადების და, ამავდროულად, რეალური სექტორის დაკრედიტების გაგრძელების საშუალება მისცა, - აღნიშნა გამოსვლისას კობა გვენეტაძემ.

მან ასევე ხაზი გაუსვა, რომ პანდემიის პირობებში მონეტარული პოლიტიკის შერბილების პარალელურად, ლიკვიდობის მიწოდების დამატებითი ინსტრუმენტები ამოქმედდა, როგორიცაა სავალუტო სვოპი ბანკებისა და მიკროსაფინანსო ორგანიზაციებისთვის, ასევე მცირე და საშუალო საწარმოების დაკრედიტების მხარდამჭერი ინსტრუმენტი. ამასთან, ადგილობრივი ვალუტისთვის ლიკვიდურობის გადაფარვის კოეფიციენტი შემსუბუქდა.

„ცხადია გვესმის, კრიზისი ჯერ არ დასრულებულა. მაგრამ გვჯერა, რომ მონეტარული პოლიტიკის შესაბამისი ქმედებები და მაკროპრუდენციული ინსტრუმენტების დროული გამოყენება ფინანსურ სექტორს საშუალებას მისცემს გაუძლოს პანდემიის ნეგატიურ გავლენას და, უფრო მეტიც, საქართველოს ეკონომიკის აღდგენაში მნიშვნელოვანი როლი შეასრულოს“, - განაცხადა საქართველოს ეროვნული ბანკის პრეზიდენტმა.

მეგის ქარდავას
საქართველოში
ექსტრადირება

„ცრუ მოწმეების პირით მოვასმენინებ საზოგა...

თავდაცვის სამინისტროს სამხედრო პოლიციის დეპარტამენტის ყოფილი უფროსი მეგის ქარდავა რუსთავის მე-12 პენიტენციური დაწესებულებიდან განცხადებას სოციალურ ქსელში ავრცელებს.

„ახალი ლიბერთი ახალი ცხოვრებისთვის“ სტრატეგიის და სოციალური პასუხისმგებლობის პროგრამის ფარგლებში, ლიბერთი იწყებს ახალი პროექტის განხორციელებას „შეხვედრები ახლებურად“ .

1632155582

პარტია „ქართული ოცნება - დემოკრატიული საქართველოს“ სიღნაღის მუნიციპალიტეტის მერობის კანდიდატი მალხაზ ბეგიაშვილი ქალაქ წნორში შეზღუდული შესაძლებლობების მქონე პირების მშობელთა კავშირს ესტუმრა. მერობის კანდიდატი ბენეფიციარების და მშობლების პრობლემებს ადგილზე გაეცნო.

1632155118

„არაფერი არ უნდა გვიკვირდეს „ვიკილიქსის“ ეპოქაში და ის, რომ ამ ქვეყანაში მინიმუმ 3 დიდ სახელმწიფოს საკუთარი ინტერესები აქვს და ამ ინტერესებისთვის მათი შესაძლებლობები არის შეუდარებლად დიდი, ვიდრე ჩვენი „სუსის“, მაფიქრებინებს, რომ არ არის გამორიცხული აქ რუსეთის ხელი ურევია“, - აღნიშნულის შესახებ კინორეჟისორმა გოგა ხაინდრავამ განაცხადა.

1632153245

„ჩვენ გვაქვს შანსი, რომ 2 ოქტომბერს ისტორია დავწეროთ“, - აღნიშნულის შესახებ „ნაციონალური მოძრაობის“ თავმჯდომარემ ნიკა მელიამ ვაკის რაიონში საერთო ოპოზიციური კანდიდატის ბათუ ქუთელიას წარდგენისას განაცხადა.

1632153150
კინორეჟისორი გოგა
ხაინდრავა Pia.ge

„ჩემთვის მძიმე წარმოსადგენია გახარია სააკაშვი...

კინორეჟისორი გოგა ხაინდრავა აცხადებს, რომ დიდ ქალაქებში გაკრული ოპოზიციის საწინააღმდეგო ბანერები მის გემოვნებაში არ ჯდება და არც ის აინტერესებს, ვისი გაკეთებულია.

ბაქოში სიძემ სიდედრსა და სიმამრს ცეცხლი...

აზერბაიჯანის დედაქალაქ ბაქოში ახალგაზრდა კაცმა სიდედრს და სიმამრს ცეცხლი მოუკიდა. ამის შესახებ azerbaycan24.com იუწყება.

1632146184
5-11 წლის ბავშვებისთვის ფაიზერით ვაქცინა...

კომპანია ფაიზერის მიერ ჩატარებული კვლევების მიხედვით, 5-11 წლის ბავშვების ვაქცინაცია უსაფრთხოა და ის კარგ იმუნურ რეაქციას და ანტისხეულების გამომუშავებას იწვევს. ამის შესახებ CNN იუწყება.

აშშ-ში მაღაზიაში გასაყიდი ქათმების 99%-შ...

აშშ-ში ჰუმანური ლიგის მიერ ჩატარებული კვლევის თანახმად, მაღაზიებში გასაყიდი ქათმების 99%-ს ფრინველის კუნთის დაავადება აქვს, რომელიც „თეთრი ზოლების“ სახელით არის ცნობილი. ამის შესახებ ინფორმაციას Bloomberg ავრცელებს.