არჩევნები 2020

გიორგი გახარია: 31 ოქტომბერს არჩევნებზე აუცილებლად უნდა მივიდეთ

საქართველოს პრემიერი
ტრიბუნასთან
1603895955
დაკოპირებულია

„ჩვენ არ და ვერ გავჩერდებით, რადგან, როდესაც ვზრუნავთ ჩვენი მოქალაქეების ჯანმრთელობაზე, ვფიქრობთ ჩვენი ეკონომიკის და სამუშაო ადგილების გაჩენაზე“, - ამის შესახებ პრემიერ-მინისტრმა გიორგი გახარიამ ნაძალადევის ოლქში „ქართული ოცნების“ მაჟორიტარი დეპუტატობის კანდიდატის მიხეილ ყაველაშვილის წარდგენაზე განაცხადა.

როგორც მან აღნიშნა, თითოეული სამუშაო ადგილი ამ ქვეყანაში არის ძვირფასი და ამიტომ, გაგრძელდება გზების, უნივერსიტეტების, საფეხბურთო სტადიონების მშენებლობა და გახსნა.

„ფაქტია, რომ წელს, ჩვენ, საარჩევნო კამპანიის ჩატარება გვიწევს არაორდინალურ სიტუაციაში, მაგრამ ყველას კარგად უნდა გვესმოდეს, რომ გლობალურმა პანდემიამ, გამოწვევამ, ვირუსმა, ჩვენი სოციალური ცხოვრების ყველა სფერო მოიცვა. აქ, ყველაზე მთავარი არის ის, რომ ჩვენ არ და ვერ გავჩერდებით, რადგან, როდესაც ვზრუნავთ ჩვენი მოქალაქეების ჯანმრთელობაზე, ვფიქრობთ ჩვენი ეკონომიკის და სამუშაო ადგილების შექმნაზე. ჩვენ ვერ გავჩერდებით, რადგან გვესმის, რომ თითოეული სამუშაო ადგილი ამ ქვეყანაში არის ძვირფასი.

ამიტომ, ჩვენ გავაგრძელებთ გზების მშენებლობას და გახსნას, უნივერსიტეტების მშენებლობას და გახსნას, ჩვენ გავაგრძელებთ საფეხბურთო სტადიონების მშენებლობას და გახსნას. ყველაფერს ამას გავაკეთებთ ერთად. ჩვენ ყველას კარგად უნდა გვესმოდეს და გვჯეროდეს, რომ მომავალი 5 წლის განმავლობაში, საქართველოს ეკონომიკური ზრდა იქნება აღმოსავლეთ ევროპაში ერთ-ერთი ყველაზე მაღალი და ჩვენ ეს ყველაფერი უნდა გავაკეთოთ ერთად“, - განაცხადა პრემიერ-მინისტრმა.

გიორგი გახარიამ ინფრასტრუქტურულ პროექტებზე საუბრისას აღნიშნა, რომ შემდგომი 4 წლის განმავლობაში, საქართველოს მთავრობა, ქვეყნის სისტემურ ინფრასტრუქტურაში მინიმუმ 20 მილიარდ ლარს დახარჯავს.

პრემიერ-მინისტრის თქმით, საბოლოო მიზანი დიდ ევროატლანტიკურ ოჯახში სრულფასოვანი წევრობის მიღწევაა.

„შემდგომი 4 წლის განმავლობაში ყველაფერი უნდა გავაკეთოთ იმისთვის, რომ საქართველომ გააკეთოს განაცხადი ევროკავშირში სრულფასოვანი წევრობისთვის, ამას აქვს უდიდესი მნიშვნელობა ჩვენი მომავალი თაობებისთვის. როდესაც ვამბობთ, რომ „ქართული ოცნების“ ცენტრში ადამიანია, ეს ნიშნავს იმას, რომ მთავრობის და სახელმწიფოს ყურადღება პირველ რიგში მიპყრობილი იქნება იმ ადამიანებზე, იმ მოქალაქეებზე, რომელთაც ეს ყურადღება ყველაზე მეტად სჭირდებათ, რა თქმა უნდა, ჩვენს ღვაწლმოსილ ხანდაზმულებზე, მოხუცებზე, პენსიონერებზე“, - განაცხადა გიორგი გახარიამ.

გიორგი გახარიამ მოქალაქეებს არჩევნებზე მისვლისკენ მოუწოდა.

„ჩვენ დავამარცხებთ პანდემიასაც, ეკონომიკურ კრიზისსაც, სიღარიბესაც, მაგრამ ეს ყველაფერი შესაძლებელია ერთობით. მიუხედავად დღევანდელი გამოწვევის, მიუხედავად ვირუსის, რომელიც ჩვენს ქალაქშია და გვიწევს პირბადეებით ცხოვრება. ამ ყველაფრის მიუხედავად, აუცილებლად უნდა მივიდეთ არჩევნებზე 31 ოქტომბერს და მივცეთ ღირსეულად, თავისუფალ გარემოში ხმა, რამეთუ, ეს არჩევანი განაპირობებს ქვეყნის შემდგომი ათწლეულებით ქვეყნის დემოკრატიულ განვითარებას. ამიტომ, ჩემო ძვირფასებო, გისურვებთ სამართლიან და ღირსეულ გამარჯვებას და ეს იქნება ქვეყნის გამარჯვება!“, - აღნიშნა გიორგი გახარიამ.


საქართველოს
პრემიერ-მინისტრი გიორგი
გახარია, 2020 წ.

გიორგი გახარია: თუ თბილისში დადებითობის...

თუ თბილისში დადებითობის მაჩვენებელი ჩამოცდება 4%-ს უახლოეს ერთ კვირაში, რა თქმა უნდა, მუნიციპალური ტრანსპორტის გახსნაზეც უნდა ვისაუბროთ უფრო სწრაფად და ეკონომიკის იმ დარგების გახსნაზეც, რომლის შესაძლებლობასაც ეპიდმდგომარეობა გვაძლევს, - ამის შესახებ საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს დღევანდელ სხდომაზე განაცხადა. 

„სადღაც წელიწადნახევრის შემდეგ კაცობრიობა შეიძლება დაუბრუნდეს ცხოვრების ჩვეულ რიტმს“, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტის კითხვის საპასუხოდ განაცხადა.

1611653048

2021 წლის 26 იანვარს, ფინანსთა სამინისტროს სახაზინო ობლიგაციების აუქციონზე 35 000 000 ლარის ნომინალური ღირებულების 5-წლიანი ვადიანობის ფასიანი ქაღალდები გაიყიდა, - ამის შესახებ ინფორმაციას ეროვნული ბანკი ავრცელებს. 

1611652995

სოხუმის დე ფაქტო რეჟიმი ევროპარლამენტის სამხრეთ კავკასიასთან ურთიერთობების დელეგაციის ხელმძღვანელის, მარინა კალიურანდის განცხადებას გამოეხმაურა, რომელმაც „რუსეთს საერთაშორისო ვალდებულებების შესრულებისკენ და აფხაზეთის აღიარების უკან გაწვევისკენ მოუწოდა.

ევროპარლამენტარმა ეს განცხადება სტრასბურგის ადამიანის უფლებათა დაცვის ევროპული სასამართლოს გადაწყვეტილების მხარდაჭერის ნიშნად გააკეთა. სასამართლომ 21 იანვარს „საქართველო რუსეთის წინააღმდეგ“ საქმეზე დადგენილება გამოიტანა. ამის შესახებ apsadgil.info იუწყება. 

1611652589

შინაგან საქმეთა მინისტრმა, ვახტანგ გომელაურმა გაცნობითი ხასიათის შეხვედრა გამართა საქართველოში აზერბაიჯანის რესპუბლიკის საგანგებო და სრულუფლებიან ელჩთან - ფაიგ გულიევთან, - ამის შესახებ ინფორმაციას შსს ავრცელებს. 

1611652009
მასკი

ილონ მასკმა ნახშირორჟანგის შეგროვების საუკეთე...

ილონ მასკმა ნახშირორჟანგის შეგროვების საუკეთესო ტექნოლოგიის შემუშავებისათვის ჯილდოდ 100 მილიონი დოლარი დააწესა.

„ნიკორას“ თანამშრომელი დაჭრეს

დღეს „ნიკორას“ დიღმის ფილიალში დაპირისპირება მოხდა  მაღაზიის თანამშრომელსა და მომხმარებელს შორის.

„ვფიქრობ, იაგო ხვიჩიამ გემრიელად იხუმრა“...

„ლეიბორისტული პარტიის“ თავმჯდომარე შალვა ნათელაშვილის „გირჩის“ ერთ-ერთი ლიდერის იაგო ხვიჩიას განცხადებას გამოეხმაურა და აღნიშნა, რომ მან ალბათ იხუმრა. 

1611649294
გიორგი გახარია: როგორც კი დადებითობის მა...

როგორც კი დადებითობის მაჩვენებელი ქვეყანაში, ქალაქში, ცალკეულ რეგიონში ჩამოცდება 4%-ს, რა თქმა უნდა, ჩვენ შეგვეძლება გახსნის ის გეგმა, რომელიც უკვე წარმოდგენილი გვაქვს დავაჩქაროთ, - ამის შესახებ საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს დღევანდელ სხდომაზე განაცხადა.