მთავარი

ძიება

ვიდეო

ქვიზები

კონტაქტი

გია ვოლსკი: არც ჩვენ ვაპირებთ რაიმე პოზიციის დათმობას

უმრავლესობის წევრი, ვიცე-სპიკერი გიორგი ვოლსკი

„არ შეიძლება უღალატო ადამიანებს, რომლებიც მიდიან ხმის მისაცემად“, - ამის შესახებ დიდუბე-ჩუღურეთის მაჟორიტარობის კანდიდატმა „ქართული ოცნებიდან“ გიორგი ვოლსკიმ განაცხადა. 

ვოლსკიმ უკვე დააფიქსირა საკუთარი არჩევანი. ის აცხადებს, რომ ქვეყნის სტაბილურობას დაუჭირა მხარი.

„არც ჩვენ ვაპირებთ დათმობას არა ჩვენი პოზიციის, არამედ საზოგადოების პოზიციის, არ შეიძლება უღალატო ადამიანებს, რომლებიც მიდიან ხმის მისაცემად“, - აღნიშნა ვოლსკიმ.

ინფორმაციისთვის, საარჩევნო უბნები დილის 8 საათზე გაიხსნა და საღამოს 8 საათზე დაიხურება.

მეორე ტური ტარდება შემდეგ საარჩევნო ოლქებში: მთაწმინდა, კრწანისი; ვაკე; საბურთალო; ისანი; სამგორი; დიდუბე-ჩუღურეთი; ნაძალადევი; გლდანი; თელავი, ახმეტა, ყვარელი და ლაგოდეხი; მცხეთა, დუშეთი, თიანეთი და ყაზბეგი; რუსთავი, გარდაბანი; ხაშური, ქარელი; ზესტაფონი, ტყიბული, თერჯოლა, ბაღდათი; ქუთაისი; ზუგდიდი; ბათუმი; ხელვაჩაური, ქედა, შუახევი და ხულო.

არჩევნების მეორე ტურში მონაწილეობს 31 ოქტომბრის არჩევნებში შესაბამის მაჟორიტარულ ოლქებში საუკეთესო შედეგის მქონე ორი კანდიდატი.

აღსანიშნავია, რომ საპარლამენტო არჩევნების მეორე ტურში მონაწილეობაზე უარი განაცხადა ოპოზიციურმა სპექტრმა.