თამარ ჩუგოშვილი: ოპოზიცია პარლამენტში შესვლაზე უარის თქმით დიდ რისკზე მიდის
დამოუკიდებელმა დეპუტატმა თამარ ჩუგოშვილმა ახალი ამბების სააგენტო Pia.ge-თან საუბრისას ქვეყანაში არსებული პოლიტიკური ვითარება და ოპოზიციური პარტიების გადაწყვეტილება შეაფასა.
როგორც დამოუკიდებელმა დეპუტატმა აღნიშნა, ოპოზიციასა და მმართველ პარტიას შორის მოლაპარაკების პროცესი არ დასრულებულა და ახლა მთავარი სათქმელი არის ის, რომ ყველამ სცადოს მოლაპარაკების დასრულება გარკვეული შედეგით.
- რა უნდა იყოს ქვეყნისთვის მოლაპარაკების კარგი შედეგით დასრულება?
- თუ შეთანხმება მოხერხდა, ეს ქვეყნისთვის კარგი შედეგი იქნება, თუნდაც, იყოს შუალედური ვარიანტი. კონკრეტულად ფაქტი, რომ ოპოზიცია და ხელისუფლება რამეზე შეთანხმდა, მოლაპარაკების წარმატებით დასრულება იქნება.
ყველას რადიკალური პოზიცია აქვს, იმედია, მეორე ტურამდე იქნება მოლაპარაკების მესამე რაუნდი, ეს ბოლო იმედია.
- რა უნდა იყოს რეალურად ის შუალედური შეთანხმება, რაც ორივე მხარეს დააკმაყოფილებს?
- ახლა ამის თქმა ძალიან რთულია, რადგან არ ჩანს ასეთი შესაძლებლობა. თუ ელჩები მოახერხებენ პროცესის ისე წარმართვას, რომ რაიმე ახალი გამოჩნდეს, ვნახავთ ამას.
ოპოზიცია მიიჩნევს, რომ თუ პარლამენტში არ შევლენ, ვადამდელ არჩევნებს მიაღწევენ და შემდგომ გაიმარჯვებენ, რეალურად კი ეს ძალიან დიდი რისკია.
- როგორია თქვენი პოლიტიკური პროგნოზი?
- არცერთ მხარესთან არანაირი ინტერესი არ გამაჩნია. ჩემი ინტერესი არის ის, რომ პროცესები განვითარდეს დამატებითი კრიზისების თავის არიდებით და მოხდეს შეთანხმება, რომ პროცესმა სამართლებრივ და კანონიერ საპარლამენტო ფორმატში გადაინაცვლოს, იქ გაგრძელდეს ეს ყველაფერი.
ოპოზიციის მოსაზრება ჩემთვის გასაგებია. არის დარღვევები, რაზეც ცესკოს და სასამართლოს მხრიდან შესაბამისი რეაგირება არ იყო, ამიტომ, მათ აქვთ ლეგიტიმური მოთხოვნები.
- როგორც დამოუკიდებელი დეპუტატი, რას ურჩევდით ოპოზიციას?
- ეს ყველაფერი პირველ რიგში ხელისუფლების პასუხისმგებლობაა. ორივე მხარეს ვურჩევდი, მაქსიმალურად სცადონ შეთანხმების მიღწევა. თუ შეთანხმება არ მოხერხდა პროცესები დამძიმდება, ვნახავთ გაამართლებს თუ არა ოპოზიციის ტაქტიკა.
როგორც თამარ ჩუგოშვილმა Pia.ge-სთან საუბრისას აღნიშნა, არჩევნები ტარდება იმიტომ, რომ საპარლამენტო ორგანოში წარმოადგინოს ყველამ თავისი ამომრჩეველი.
„ზოგადად არჩევნებს იმიტომ ვატარებთ და სასურველ კანდიდატს ხმას იმიტომ ვაძლევთ, რომ საპარლამენტო ორგანოში წარმოადგინოს ყველამ თავისი ამომრჩეველი. ახლა კი, პოლიტიკური კრიზისი გვაქვს, რადგან ეს ვერ ხერხდება.
ამ ყველაფრის ყველაზე ცუდი დასასრული და მძიმე სცენარი იქნებოდა ის, თუ ერთპარტიული პარლამენტი გვექნება დიდი ხნის განმავლობაში და ვადამდელი არჩევნები არ ჩაინიშნა. ეს ნებისმიერი გადაწყვეტილების მიღების პროცესში და დემოკრატიული მიმართულების კუთხით დამანგრეველი რამ არის. ამიტომ მთავარი ამის აცილებაა“, - განაცხადა თამარ ჩუგოშვილმა.
დამოუკიდებელი დეპუტატი არ გამორიცხავს, რომ მხარეებმა შეთანხმებას ვერ მიაღწიონ.
„დიდი იმედი არ მაქვს, რომ ეს მოლაპარაკებები წარმატებით დასრულდება. თუ ხელისუფლება რამეს არ დათმობს, ვერც ოპოზიცია შევა პარლამენტში და ვიქნებით ამ პოლიტიკურ ჩიხში. მთავარია, რის დასათმობად არის მზად ხელისუფლება“, - დასძინა თამარ ჩუგოშვილმა.
🔺 ყველა ოპოზიციურმა პარტიამ, რომლებმაც 2020 წლის საპარლამენტო არჩევნებში 1%-იანი ბარიერი გადალახეს, პარლამენტში შესვლაზე უარი განაცხადა. ისინი არჩევნების შედეგებს არ აღიარებენ და გაყალბებაზე საუბრობენ.
🔺 ოპოზიციურ პარტიებსა და მმართველ გუნდს შორის მოლაპარაკების 2 რაუნდი უკვე შედგა.
798 თბილისი, 113 სამეგრელო-ზემო სვანეთი...
Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 9 750 კვლევა ტესტით, მათ შორის 5 650 კვლევა ანტიგენის ტესტით და 4 100 PCR ტესტით.
საქართველოს საავიაციო ბაზარზე ოპერირებას ახალი უკრაინული ავიაკომპანია Bees Airline გეგმავს.
ექსპერტი ირაკლი ლატარია სოციალურ ქსელში„ნაციონალური მოძრაობის“ ლიდერის ნიკა მელიას განცხადებას ეხმაურება, რომლის თანახმად, მისთვის მიუღებელია როგორც გირაოს გადახდა, ასევე, ამნისტიაც.
„მელიამ გულწრფელად გადაწყვიტა ალბათ, რომ ციხეში ჯდომით მოინანიოს ის საქციელი, რაც 20 ივნისს ჩაიდინა - მეტი ახსნა მის ასეთ პათოსს და განცხადებებს არ აქვს,“ - ამ სიტყვებით გამოეხმაურა საპარლამენტო უმრავლესობის წევრი გურამ მაჭარაშვილი „ინტერპრესნიუსთან“ „ნაციონალური მოძრაობის“ ლიდერის ნიკა მელიას განცხადებას, რომლის თანახმად, მისთვის მიუღებელია როგორც გირაოს გადახდა, ასევე ამნისტიაც.
ექსპერტი ზურაბ ქადაგიძე ნიკა მელიას შეწყალების საკითხს სოციალურ ქსელში ეხმაურება.
მიხეილ სარჯველაძე ნიკა მელიაზე: ამნისტია პატი...
„ამნისტია, როგორც მექანიზმი, განისაზღვრება მოქმედი კანონმდებლობით და ეს არის ერთგვარი ჟესტი პატიებისა“,- განაცხადა ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ.
თამთა მეგრელიშვილი ნიკა მელიას - სადაც ე...
„დარჩი ციხეში და ვაჟკაცურად მოიხადე ეგ სასჯელი, ან არადა გმირობანას თამაშს თავი დაანებე და საქმე იმას გაურჩიე, ვინც ამ დღეში ჩაგაგდო,“ - ამ სიტყვებით მიმართავს სოციალურ ქსელში იურისტი თამთა მეგრელიშვილი „ნაციონალური მოძრაობის“ ლიდერს ნიკა მელიას.
„თუ დასავლელ პარტნიორებს უარს ეუბნები, მ...
„მიშამ ისეთი ბინძური ტრიუკი ჩაუტარა ნიკანორ მელიას, რომ ადამიანურად მეცოდება, მებრალება ასეთი მდგომარეობისთვის. ბოლომდე მიაწექიო უკიჟინებდა და უცებ პოზიცია შეცვალა, მოუწოდა „ნაცებს“ ხელი მოვაწეროთო“, - ამის შესახებ ექსპერტი ლევან ნიკოლეიშვილი სოციალურ ქსელში წერს.
თავდაცვის მინისტრი ევროკავშირის მონიტორი...
თავდაცვის მინისტრმა ჯუანშერ ბურჭულაძემ ევროკავშირის მონიტორინგის მისიის (EUMM) ხელმძღვანელს მარეკ შჩიგელს თავდაცვის უწყებაში უმასპინძლა. ამის შესახებ ინფორმაციას უწყების პრესსამსახური ავრცელებს.
