ინტერვიუ

მიხეილ ლოლაძე - ტრავმატოლოგიურ ორთოპედიულ დაავადებებსა და მათი მკურნალობის მეთოდებზე

ექიმი მიხეილ ლოლაძე - Pia.ge
1606739776
დაკოპირებულია

ახალგაზრდა, წარმატებულმა ორთოპედ-ტრავმატოლოგმა მიხეილ ლოლაძემ  შეძლო ქართულ სამედიცინო რეალობაში თვის წარმატებით დამკვიდრება, მისი  კარიერა ჯერ კიდევ სტუდენტობის პერიოდიდან იწყება. სამედიცინო  სფეროსთან ოჯახურმა კავშირმა პროფესიული არჩევანი მარტივად გააკეთებინა, მერე იყო არც თუ ისე მარტივი გზა, რომელმაც დამოუკიდებლად, საკუთარი შეუპოვრობითა და დაუღალავი შრომით წარმატებამდე და აღიარებამდე მიიყვანა. 

მიხეილ ლოლაძე: ექიმობის გარდა სხვა პროფესიაზე არასდროს მიფიქრია და როგორც კი ღრმად ჩავიხედე სამედიცინო სფეროში, ორთოპედია-ტრავმატოლოგიამ ყველაზე მეტად დამაინტერესა. ეს სპეციალობა ადამიანის ჯანმრთელობის ისეთ საკითხებს ემსახურება, რომელიც საყრდენ-მამოძრავებელი სისტემის გამართულად ფინქციონირებას უკავშირდება. მყეს იოგოვანი სისტემა ჩვენს აქტიურ და ხარისხიან ცხოვრებაში უდიდეს როლს ასრულებს, შესაბამისად მათი სწორი ფუნქციური დატვირთის გარეშე უბრალოდ ხეიბარი ვიქნებით.

- კარგი განათლება და მდიდარი გამოცდილება გაქვთ, მაინც სად მიიღეთ ყველაზე დიდი პრაქტიკა?

სტუდენტობის პერიოდში ღუდუშაურის სახელობის ეროვნულ სამედიცინო ცენტრში ვმუშაობდი და შეიძლება ითქვას, პროფესიულად იქ ავიდგი ფეხი, შემდეგ იყო რეზიდენტურის პერიოდი, ძალიან მნიშვნელოვანი გამოწვევები იყო გერმანიაში, სადაც პირველად გავეცანი ზოგიერთ ისეთ საკითხს, რაც იმ პერიოდში საქართველოში ჯერ არ იყო აქტიურად დანერგილი, მათ შორის - მხრის სახსრის ენდოპროტეზირება, მენჯ-ბარძაყის ენდოპროტეზირების ისეთი მიდგომა მინიმალური ინვაზიით, რაც ახლა ინერგება ჩვენთან. თუმცა, ეს მიმართულება დღეს კარგი ტემპით ვითარდება და ვფიქრობ, საქართველოში ტრავმატოლოგია-ორთოპედია უკვე დგას შესაბამის მოწოდების სიმაღლეზე და იგივე სირთულის ოპერაციებს ისეთივე წარმატებით ვახორციელებთ რასაც დაახლოებით 5 წლის წინ ევროპის წამყვანი სამედიცნო კლინიკები აკეთებდნენ.

- გაიზარდა მოთხოვნა მინიმალურ ინვაზიაზე?

დიახ, დღეს მოთხოვნა არის არა მხოლოდ იმაზე, რომ კარგად მოძრაობდეს ადამიანი და არ აწუხებდეს ტკივილი, არამედ დაცული უნდა იყოს ესთეტიკური მხარეც და მაქსიმალურად იყოს დაზოგილი ქსოვილები, ამ შემთხვევაში წამყვანი როლი აქვს ართროსკოპიულ მკურნალობას, ე.წ უსისხლო ოპერაციებს, რაც ძირითადად მსხვილ სახსრებზე ხორციელდება. ეს არის მენისკების დაზიანება, წინა ჯვარედინა იოგის დაზიანება, რაც ხშირია სპორტსმენებზე, ასევე, სამთო კურორტებზე მიღებული ტრავმების შედეგად. ჩვენს კლინიკაში დავიწყეთ სხივ მაჯის სახსრის ართროსკოპია, რისთვისაც გვაქვს შესაბამისი ძალიან ძვირადღირებული აღჭურვილობა.

- რა ხდება მაჯის გვირაბის სინდრომის დროს?

მაჯის გვირაბის სინდრომის დროს შუათანა ნერვი ყვება მის ქსოვილებში, ვითარდება ფიბროზული შეხორცებები, ზეწოლა ხდება ნერვზე და საჭიროა მისი გათავისუფლება, არის თუ არა საჭირო ასეთ დროს ოპერაცია, ამის განსაზღვრისთვის საჭიროა შესაბამისი კვლევის ჩატარება, უნდა ინახოს, რა დონეზე ხორციელდება ზეწოლა, რამდენი პროცენტითაა შეზღუდული ნერვის ფუნქცია და ა.შ. ოპერაცია რასაც ჩვენ წარმატებით ვახორციელებთ მაჯის გვირაბის სინდრომის მკურნალობის ბოლო ეტაპია.

- თუ დადგა ოპერაციის საჭიროაბა, არის გარანტია, რომ ეს პრობლემა აღარ შეგვაწუხებს?

სტატისტიკურად ამ ოპერაციების შედეგიანობა საკმაოდ მაღალია, რადგან ტრავმისგან განსხვავებით, მაჯის გვირაბის სინდრომის ოპერაციით ვმკურნალობთ მიზეზს და არა შედეგს. თუმცა, ძალიან დიდი მნიშვნელობა აქვს ექიმთან მისვლამდე რამდენი ხნით ადრეა დაწყებული ჩივილები, რადგან ხანგრძლივად ნერვზე ზეწოლა იწვევს მის დაზიანებას და ნერვული ქსოვილის აღდგენა აღარ ხდება. ამიტომ ოპერაციის შემდგომ შესაძლოა მოიხნას ტკივილი, მაგრამ გარკვეული პერიოდი დარჩეს ზოგიერთი ჩივილები, წლების განმავლობაში ნერვზე ზეწოლით გამოწვეული შედეგების ერთი ოპერაციით ალაგება შეუძლებელია, თუმცა, მნიშვნელოვნად ხდება ადამიანის ზოგადი მდგომარეობის გაუმჯობესება.

- რას გვეტყვით სხვივ-მაჯის პრობლემებსა და მისი მკურნალობის მეთოდებზე?

ჩვენს ქვეყანაში არც თუ ისე იშვიათია სხივ-მაჯის სახსრის პრობლემები, იგივე ართროზული ცვლილებები, რაც მოითხოვს შესაბამის მკურნალობას. აქამდე იყო მიდგომა - ასაკშია უნდა ტკიოდეს, არავითარ შემთხვევაში, ადამიანი არ უნდა შეეგუოს ტკივილს. არსებობს ყველანაირი პირობა და ბევრი საშუალება იმისათის, რომ ელემენტარულად ტკივილი გვაწუხებდეს. სხივ-მაჯის სახსრებში ძირითად პრობლემას წარმოადგენს ე.წ. იმპიჯმენტი და სასახსრე ნაპრალის განლევა და დავიწროვება, რაც აქვთ ისეთ ადამიანებს, რომლებიც ძირითადად მონოტონურ მოძრაობებს ასრულებენ.

რაც შეეხება მკურნალობის მეთოდებს, პირველ რიგში ხდება დიაგნოსტირება, თუ რასთან გვაქვს საქმე. მაქსიმალურად ვცდილობთ, ვუმკურნალოთ კონსერვატიულად და არ მივიდეთ ოპერაციამდე. ჩემი მოწოდებაა, ჩივილების გაჩენისთანავე მივიდეთ ექიმთან.

- რა შეგიძლიათ გვითხრათ ბრტყელტერფიანობაზე, მის სახეობებსა და ამ პრობლემით გამოწვეულ სირთულეებზე?

ბრტყელტერფიანობის რამდენიმე სახეობა არსებობს, რომელიც ადგილზე ორთოპედმა უნდა შეაფასოს. საჭიროა ჩატარდეს შესაბამისი კვლევა. ბრტყელტერფიანობის ძირითადი კორეგირება ხდება ე.წ ღაბაშებით. ტერფი წარმოადგენს ადამიანის ძირითად და ყველაზე მთავარ საყრდენს, არამყარი საძირკველი მთელი სხეულის სტატიკური არასწორი დატვირთვის წინაპირობაა. ბრტყელტერფიანობა იწვევს კოჭ-წვივის სახსრის დეფორმაციას, მუხლის დეფორმაციას, მენჯ-ბარძაყის და წელის ტკივილს, უფრო მეტიც, იყო შემთხვევები, როდესაც ბავშვები ღრმა ხარისხის ბრტყელტერფიანობით თავის ტკივილსაც კი უჩიოდნენ და მხოლოდ ღაბაშის სწორად შერჩევით მოვაგვარეთ ეს პრობლემა.

- რა ტიპის პაციენტები უნდა მოვიდნენ თქვენთან?

მოდიან პაციენტები ნებისმიერი სირთულის მწვავე ტრავმით, ვგულისხმობ ძვლოვანი სისტემის დაზიანებას, მყეს იოგოვანი სისტემის დაზიანებას. რაც შეეხება ართროსკოპიას, ვაკეთებთ ოპერაციებს მინიმალური ინვაზიით, ასევე, მსხვილი სახსრების ენდოპროტეზირებას, მენჯ-ბარძაყის და მუხლის სახსრის ენდოპროტეზირებას.

- პრევენცისთვის რა საშუალება არსებობს?

მწვავე ტრავმის პრევენცია შეუძლებელია. რაც შეეხება ორთოპედიული კუთხით სახსრების მდგომარეობას, აქ ძირითად პრობლემას წარმოადგენს უძრავი მდგომარეობა, პასიური ცხოვრების წესი. ჩვენი მთავარი მესიჯია, ვიცხოვროთ აქტიური, ჯანსაღი ცხოვრების წესით. ტრავმის შემთხვევაში, ექიმთან მისვლამდე პირველი რაც უნდა გავაკეთოთ, ეს არის ტრავმირებული უბნის იმობილიზაცია და ყინულების დადება ადგილობრივად.

ავსტალიის მოქალაქე შანაი
ბრუკი თბილისში
გარდაცვლილი იპოვეს

შსს ავსტრალიის მოქალაქის გარდაცვალებაზე...

შინაგან საქმეთა სამინისტრო ავსტრალიის მოქალაქის, 31 წლის შანაი ბრუკის გარდაცვალებასთან დაკავშირებით განცხადებას ავრცელებს.

თბილისში დაკარგული ავსტრალიის მოქალაქე , 31 წლის შანაი ბრუკი გარდაცვლილი იპოვეს. ინფორმაციას სოციალურ ქსელში პარტია „ხალხისთვის“ ლიდერი ანა დოლიძე ავრცელებს.

1627744552

საფრანგეთის დედაქალაქში და ქვეყნის მასშტაბით 150 ათასამდე ადამიანი საპროტესტო აქციებში მონაწილეობს. ისინი ე.წ „ჯანმრთელობის საშვს" აპროტესტებენ. ამის შესახებ france24.com იუწყება.

1627743626

„ამ შარლ მიშელმა პილატესავით დაიბანა ხელი, არაფრის მთელი განცხადებები გააკეთა და წავიდა ევროპაში. რას ნიშნავს ეს?“, - ამის შესახებ ლეიბორისტული პარტიის ერთ-ერთმა ლიდერმა გიორგი გუგავამ განაცხადა.

1627738388
ფასიანი მომსახურება
სოჭის პლაჟზე

სოჭის პლაჟზე სამაშველო ოპერაცია ფასიანია (ვიდ...

სოჭის კერძო პლაჟზე სამაშველო ოპერაცია ფასიანია. პლაჟზე შესაბამისი ინფორმაციაა გამოქვეყნებული, სადაც სხვადასხვა მომსახურებასთან ერთად „წყალზე სამაშველო ოპერაციის“ ფასიც არის მითითებული. ის 800 რუსულ რუბლს (34 ლარს) შეადგენს. ინფორმაციას „მედუზა“ ავრცელებს.

1627729488
„დელტა ვარიანტით ერთი დაავადებული, თავის...

იმუნიზაციის მრჩეველთა ეროვნული ტექნიკური ჯგუფის ხელმძღვანელის ივანე ჩხაიძის თქმით, კორონავირუსის სულ 11 მუტაციაა ცნობილი, მაგრამ მათგან ყველაზე გამორჩეული მისი დელტა ვარიანტია.

მცხეთა-მთიანეთის რეგიონში, დუშეთში მასობ...

მოქალაქეთა მასობრივი ვაქცინაციის ფარგლებში, „ჯეო ჰოსპიტალს“-ის დუშეთის სამედიცინო ცენტრში საყოველთაო აცრა მიმდინარეობს.

ხვალიდან, ქართული არხები შესაძლოა, ფასია...

საქართველოს საკაბელო ტელევიზიების კავშირი ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით განცხადებას ავრცელებს.