სამართალი

ჩუმლაყში მომხდარი დაპირისპირებისთვის დაკავებულს ბრალი ოფიციალურად წარედგინა

სროლა ჩუმლაყში
22:42 30.06
დაკოპირებულია

გურჯაანის მუნიციპალიტეტის სოფელ ჩუმლაყში მომხდარი დაპირისპირებისათვის დაკავებულ დავით ნადაშვილს, ბრალი ოფიციალურად, განზრახ მკვლელობისა და დამამძიმებელ გარემოებებში, განზრახ მკვლელობის მცდელობისათვის წარუდგინეს, რაც თავისუფლების აღკვეთას 7-დან 15 წლამდე ითვალისწინებს.

დაკავებულის ადვოკატი ზურაბ ბეგიაშვილი, წარდგენილი ბრალის კვალიფიკაციას არ ეთანხმება.

ზურაბ ბეგიაშვილის ინფორმაციით, მისი დაცვის ქვეშ მყოფი, შეზღუდული შესაძლებლობების მქონე, თირკმელის ქრონიკული უკმარისობით დაავადებული პირია. მომხდარი დაპირისპირების დროს კი, ახალგაზრდების აგრესიისაგან თავს იცავდა.

„ნადაშვილი არის დიალიზზე მყოფი, შეზღუდული შესაძლებლობების მქონე პირი. მას სიარულიც კი უჭირს. სავარაუდოდ, ნასვამ მდგომარეობაში მყოფმა ახალგაზრდებმა, უმიზეზოდ აუტეხეს ჩხუბი, ლამის სასიკვდილოდ სცემეს და მას, საკუთარი ჯანმრთელობისა და სიცოცხლის დასაცავად, იარაღის გამოყენების გარდა, რომელიც რეგისტრირებული აქვს, სხვა გზა არ ჰქონდა. თავად გამოძიებამ ნახა, როგორ არის ნაცემი და შესაბამისი ექსპერტიზა დაინიშნა. ბრალის კვალიფიკაციას არ ვეთანხმებით და ვიბრძოლებთ, რომ ამ ეტაპზე, სასამართლომ ის არ დააპატიმროს, რადგან პანდემიის პირობებში და მისი ჯანმრთელობის მქონე კაცისთვის, პატიმრობა საშიშია“,- განაცხადა ბეგიაშვილმა.

ადვოკატის განცხადებით, დაპირისპირების დროს, მისი დაცვის ქვეშ მყოფი პირის ცემაში, კიდევ ოთხი პირი მონაწილეობდა და საქმის მსვლელობის დროს, ის,მათი ქმედების სამართლებრივ შეფასებას მოითხოვს.

ცნობისთვის,, შეიარაღებულ დაპირისპირებას სოფელ ჩუმლაყში ერთი ადამიანი ემსხვერპლა, ერთი კი, ყელის არეში მძიმედ დაიჭრა. ის ამჟამად, გურჯაანის „ჯეოჰოსპიტალის" რეანიმაციულ განყოფილებაში, მძიმე მდგომარეობაში იმყოფება.

შემთხვევიდან მეორე დღეს, ნადაშვილი სამართალდამცავებს თავადვე ჩაბარდა და ცეცხლსასროლი იარაღის გამოყენება აღიარა.

ბრალდებულისათვის აღკვეთის ღონისძიების შეფარდებაზე, სასამართლო სავარაუდოდ, ზეგ იმსჯელებს.

ქართული ჯარი

ქართველი სამხედროები ნატო-ს ეგიდით ავღან...

ავღანეთში, ნატო-ს ეგიდით „მტკიცე მხარდაჭერის მისიის“ (RSM) შესასრულებლად პირველი...
55 წუთის წინ
საქართველოს ტექნიკური უნივერსიტეტის რექტორი, პროფესორი დავით გურგენიძე ამერიკელ ხალხსა და ამერიკის შ...
22 წუთის წინ
ჯანდაცვის სამინისტრომ მსოფლიო ბანკის ,,COVID-19-ზე გადაუდებელი რეაგირების პროექტის“ ფარგლებში, სუნთქ...
35 წუთის წინ
საგარეო საქმეთა მინისტრი დავით ზალკალიანი ამერიკის შეერთებულ შტატებს დამოუკიდებლობის დღეს ულოცავს „...
13:13
თბილისის მერი კახა კალაძე ამერიკას დამოუკიდებლობის დღეს ულოცავს. მილოცვის ტექსტი მან სოციალური ქსელ...
13:04
მცხეთა-მთიანეთის სახელმწიფო რწმუნებული 2020 შალვა კერესელიძე ამერიკელ ხალხს დამოუკიდებლობ...
მცხეთა-მთიანეთის სახელმწიფო რწმუნებული შალვა კერესელიძე ამერიკელ ხალხს დამოუკიდებლობის დღეს ულოცავს....
უგულავა მიიჩნევს, რომ „ევროპული საქართვე...
„იმის მიუხედავად, რომ ჩვენ პოლიტიკური წარსული ერთი გვაქვს, ჩემი აზრით, განსხვავე...
მცირეწლოვანი, რომელიც მე-6 სართულიდან გა...
დიდ დიღომში, პეტრე იბერის ქუჩაზე, საცხოვრებელი კორპუსის მეექვსე სართულიდან გადმო...
„ევროპის დღეები 2020“- ის შეჯამება და პა...
მიმდინარე წლის 3 ივლისს, ნატოსა და ევროკავშირის შესახებ საინფორმაციო ცენტრში „ევ...