სამართალი

დავით ზალკალიანი: დასკვნაში ბევრი რამ წერია, მაგრამ მთავარი არის ის, რომ 1:200 000 მასშტაბის რუკა არის საქართველოს პოზიციების გამამყარებელი და უაღრესად მნიშვნელოვანი

საქართველოს საგარეო საქმეთა სამინისტრო, 2020
12:09 17.10
დაკოპირებულია

დავით ზალკალიანი: „დასკვნაში ბევრი რამ წერია, მაგრამ მთავარი არის ის, რომ 1:200 000 მასშტაბის რუკა არის საქართველოს პოზიციების გამამყარებელი და უაღრესად მნიშვნელოვანი“

საქართველოს საგარეო საქმეთა მინისტრმა, დავით ზალკალიანმა ტელეკომპანია „პოსტვ“-ს ეთერში აზერბაიჯანთან საზღვრის დემარკაცია-დელიმიტაციის საკითხთან დაკავშირებით საერთაშორისო ექსპერტების მიერ გაკეთებულ დასკვნაზე ისაუბრა და აღნიშნა, რომ საქართველოს პოზიციების გასამყარებლად საერთაშორისო ექსპერტების დასკვნა ერთ-ერთ მნიშვნელოვან ფაქტორს წარმოადგენს.

„ჩვენ ძალიან აქტიურად ვიმუშავეთ და ამ პროცესში ჩავრთეთ მსოფლიოში ერთ-ერთი ავტორიტეტული და ცნობილი ამერიკული იურიდიული კომპანია „Shearman & Sterling“, რომელსაც აქვს უდიდესი გამოცდილება სახელმწიფოთა შორის დავების გადაწყვეტის კუთხით, ვინაიდან ძალიან ბევრი სახელმწიფო დაობს საზღვრების დემარკაცია-დელიმიტაციის საკითხზე. ეს არის კომპანია, რომელსაც ბევრ სახელმწიფო დავაში აქვს მონაწილეობა მიღებული. გავედით ამ კომპანიაზე და მათ ვთხოვეთ ექსპერტული შეფასება. ჩვენ ხელთ არსებული მასალები მათ მივაწოდეთ. ასევე ის ძველი მასალები, რაც ჩვენ მოგვეპოვებოდა და ვთხოვეთ მათ წარმოედგინათ უაღრესად მაღალი კვალიფიკაციის ექსპერტული დასკვნა.“ - აღნიშნა მინისტრმა და დასძინა, რომ მოცემულ საკითხთან დაკავშირებით მუშაობა ივლისის თვეში დაიწყო, რაც შესაბამისად გამორიცხავს მის რაიმე სახის კავშირს აზერბაიჯანსა და სომხეთს შორის მიმდინარე ესკლაციასთან.

საგარეო უწყების ხელმძღვანელმა ისაუბრა ექსპერტების მიერ წარმოდგენილი დასკვნის მნიშვნელოვან ასპექტებზეც.

„20 სექტემბერს მივიღეთ ამერიკული კომპანიის დასკვნა და შესაბამისი ახალი კარტოგრაფიული მასალები, რომელიც მე პირადად გადავეცი ჩემს კოლეგას, აზერბაიჯანის საგარეო საქმეთა მინისტრს. იმ დასკვნაში ბევრი რამ წერია, მაგრამ მთავარი არის ის, რომ 1:200 000 მასშტაბის რუკა არის საქართველოს პოზიციების გამამყარებელი და უაღრესად მნიშვნელოვანი და ის რომ არ იყო გამოყენებული მოლაპარაკებების პროცესში მნიშვნელოვნად ასუსტებდა საქართველოს პოზიციებს. მეორე მნიშვნელოვანი საკითხი დასკვნაში გახლავთ ის, რომ ჩვენდა სამწუხაროდ ჩვენი ყოფილი ხელისუფლების, ცალკეული პოლიტიკოსების, უმაღლესი თანამდებობის პირების საჯარო გამონათქვამები, რომლებიც ჩვენ მრავლად ვიხილეთ ბოლო დღეების განმავლობაში, სადაც პირდაპირ აცხადებენ, რომ დავით გარეჯის ეს მონაკვეთი არ არის საქართველოს ტერიტორიის შემადგენლობაში. ექსპერტების დასკვნაში პირდაპირ წერია, რომ ეს ვნებს და ასუსტებს საქართველოს პოზიციებს,“ - განაცხადა ზალკალიანმა.​

სომხეთ-აზერბაიჯანის კონფლიქტი

სომხეთ-აზერბაიჯანის კონფლიქტი - უახლესი...

ახალი ამბების სააგენტო Pia.ge გაგაცნობთ ყარაბაღის ტერიტორიაზე მიმდინარე სამხედრო...
პოლიციამ ხელვაჩაურში მომხდარი ქურდობის ფაქტი ცხელ კვალზე გახსნა - დაკავებულია 3 პირი. ინფორმაციას შს...
45 წუთის წინ
სომხეთისა და აზერბაიჯანის ამერიკულმა შეთანხმებამაც ვერ იმუშავა, მხარეები ცეცხლის შეწყვეტის შეთანხმებ...
48 წუთის წინ
ეკონომიკისა და მდგრადი განვითარების მინისტრმა ნათია თურნავამ თბილისის სახელმწიფო უნივერსიტეტსა და სა...
09:27
გადაუდებელი სამუშაოების გამო დღეს, 26 ოქტომბერს თბილისის მოსახლეობის ნაწილს ელექტრომომარაგება დროები...
09:19
ჰაერის ტემპერატურის საზომი 26 ოქტომბრის ამინდის პროგნოზი
26 ოქტომბერს საქართველოში მოსალოდნელია თბილი და უნალექო ამინდი. ამის შესახებ ინფორმაციას გარემოს ერო...
22:00 25.10
ავღანეთში „ალ ქაიდას“ მეორე მეთაური მოკლ...
ავღანეთის ოფიციალურმა პირებმა განაცხადეს, რომ ტერორისტული ორგანიზაციის „ალ ქაიდა...
21:37 25.10
მსოფლიო მასშტაბით კოვიდინფიცირებულთა რაო...
მსოფლიო მასშტაბით კორონავირუსით ინფიცირებულ პირთა რაოდენობა 43 მლნ-ს გადააჭარბა....
არჩილ თალაკვაძემ აშშ-ში მცხოვრებ თანამემ...
პარლამენტის თავმჯდომარე არჩილ თალაკვაძე და დიასპორის საკითხთა კომიტეტის თავმჯდომ...