დღეს გიორგი შაქარაშვილის საქმეზე ნაფიც მსაჯულთა შერჩევა იწყება
1603072800
დღეს ფეხბურთელ გიორგი შაქარაშვილის ჯგუფურად განზრახ მკვლელობის საქმეზე ნაფიც მსაჯულთა შერჩევა იწყება. პროცესი გორის რაიონულ სასამართლოში გაიმართება.
სხდომა სასამართლოში 15:00 საათზეა ჩანიშნული.
ნაფიცი მსაჯულები საქმეზე ბრალდებული სამი პირის, არჩილ გაგნიძის, ნიკოლოზ რევაზიშვილისა და ვახტანგ ჩიქოვანის ბრალეულობას განიხილავენ. აღნიშნულზე თანხმობა სრულწლოვანმა ბრალდებულებმა განაცხადეს.
ინფორმაციისთვის, გიორგი შაქარაშვილის ჯგუფურად განზრახ მკვლელობაში ბრალი 5 პირს ედება, რომელთაგან ორი არასრულწლოვანია.
მიმდინარე წლის 21 ივნისს, 19 წლის ფეხბურთელის ცხედარი მაშველებმა არაგვში იპოვეს.
ექსპერტიზის დასკვნის თანახმად, გიორგი შაქარაშვილის სიკვდილის მიზეზი წყალში დახრჩობით განვითარებული ასფიქსია გახდა.
