დღეს, 14 სექტემბერს მცხეთის რაიონულ სასამართლოში გიორგი შაქარაშვილის საქმეზე მორიგი სასამართლო პროცესი გაიმართება.
პროცესზე გარდაცვლილი ფეხბურთელის, გიორგი შაქარაშვილის საქმეზე დაკავებული 11 სრულწლოვანი პირი წარსდგება, რომელთა საქმეც პროკურატურამ ცალკე წარმოებად გამოყო.
არსებული ინფორმაციით, სასამართლო პროცესზე განიხილება მტკიცებულებების დაშვებისა და აღკვეთის ღონისძიების გადასინჯვის საკითხი.
ინფორმაციისთვის, მიმდინარე წლის 19 ივნისს ახალგაზრდა სპორტსმენის გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. 4-დღიანი სამძებრო სამუშაოების შემდეგ, გიორგი შაქარაშვილის ცხედარი წყალში იპოვეს. შაქარაშვილის გარდაცვალების საქმეზე 17 პირია დაკავებული.