გორთან ავარია მოხდა - არის მსხვერპლი
1612368408
გორთან, ცენტრალურ მაგისტრალზე ავარია მოხდა. ერთმანეთს ევაკუატორი და ტრაილერი დაეჯახა. შემთხვევის შედეგად გარდაცვლილია ევაკუატორის მძღოლი.
როგორც საინფორმაციო სააგენტო PIA.GE-ს შინაგან საქმეთა სამინისტროში განუცხადეს, მომხდარზე გამოძიება 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
დანაშაული ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
