ქუთაისში კრიმინალური და საპატრულო პოლიციის თანამშრომლებმა, ასევე სპეციალური დანიშნულების რაზმის წევრებმა ერთი პირი დააკავეს.
საინფორმაციო სააგენტო PIA.GE-ს ინფორმაციით, დაკავებულს დიდი რაოდენობით ნარკოტიკული საშუალება გადაჰქონდა.
სპეცოპერაციის დროს დაკავებული კაცი 55 წლის ზაზა ჟორჟოლაძეა.
„ახლა დამაკავეს, არ ვიცი, პროგრამიდან გამოვდიოდი და დამაკავეს. ნარკოტიკი მქონდა“, - ამბობს დაკავებული.
შინაგან საქმეთა სამინისტრო სპეცოპერაციასთან დაკავშირებით კომენტარს ჯერჯერობით არ აკეთებს.