„მოწმეები საუბრობენ ახალ გარემოებებზე, რომელიც ადასტურებს დანაშაულს“ - მეგი ბაქრაძის ოჯახის ადვოკატი

მისი თქმით, მოწმეები ახალ გარემოებებზე საუბრობენ, რომლებიც დანაშაულს ადასტურებს.

„რაც დღეს მოხდა, მოსალოდნელი იყო. მოწმეთა შეცვლილი ჩვენებები და ის, რომ პროტოკოლი დაირღვა, ყველაფერი იყო საქმის მასალებში, რაზეც ჩვენ ვსაუბრობდით, მაგრამ დეტალებზე არ ვამახვილებდით ყურადღებას. ზუსტად ეს იყო თვითმიზანი, რომ არ ვავრცელებდით ინფორმაციას.

თავიდან ყველა მოწმე აძლევს იდენტურ ჩვენებას და შემდგომ უკვე ჩვენებები ირევა და ორდღიან შუალედში ყველა მოწმე ცვლის ჩვენებას, საუბრობენ ახალ გარემოებებზე, რომელიც ადასტურებს დანაშაულს. სწორედ ამ დანაშაულის ფარგლებში მოხდა პროკურატურის მხრიდან რეაგირება. ვნახოთ, როგორ განვითარდება მოვლენები, გარკვეულ გარემოებებს ვაზუსტებთ ახლა ჩვენც, კონტაქტზე ვართ კონკრეტულ პირებთან და ცოტა მოგვიანებით მოგახსენებთ ყველაფერს კიდევ უფრო დეტალურად“, – აღნიშნა უფლებადამცველმა ნინო ამაღლობელმა.

შეგახსენებთ, რომ პროკურატურამ მეგი ბაქრაძის გარდაცვალების საქმეზე, გამოძიებისთვის ცრუ ინფორმაციის მიწოდების ფაქტზე ბრალი სამ პირს წაუყენა.

უწყების ცნობით, ბრალი „ახალციხის კლინიკა იმედის“ ექიმებს ბ.ლ.-ს, ვ.ი-ს და ექთანს თ.გ.-ს წარედგინათ.

აგრეთვე წაიკითხეთ:

„რა დამალევინეს ამნაირი, რომ თავის ტკივილით ვკვდებიო“ - რას ყვება მეგი ბაქრაძის დედა

ჯანმო გარდაცვლილ ექთანზე: ეს იყო ანაფილაქსიის შემთხვევა, რომელიც ძალიან მძიმე ალერგიული რეაქციაა ვაქცინის კომპონენტზე

„მეგი ბაქრაძის მეუღლეს ემუქრებიან“ - ახალციხელი მედდის ოჯახის ადვოკატი