საგარეჯოში ავტომობილის დაჯახების შედეგად ქვეითი გარდაიცვალა
1603699305
ავტოსაგზაო შემთხვევის შედეგად, საგარეჯოს მუნიციპალიტეტში, 28 წლის მამაკაცი გარდაიცვალა.
სოფელ იორმუღანლოსთან, მსუბუქი ავტომანქანა ქვეითს დაეჯახა, რომელიც გზის გადაკვეთას ცდილობდა.
ის ადგილზე, სასწრაფო-სამედიცინო დახმარების ბრიგადის მისვლამდე გარდაიცვალა.
თვითმხილველების ინფორმაციით, გარდაცვლილი ახალგაზრდა, სოფელ კაზლარიდან არის და იორმუღანლოში, ერთ-ერთ ფერმაში მუშაობდა. გზის მეორე მხარეს გადასვლა კი, სავარაუდოდ, სამსახურში წასასვლელად დასჭირდა.
ავტომანქანის მძღოლი, შემთხვევის ადგილიდან მიიმალა.
შემთხვევის ადგილზე საპატრულო პოლიცია და ექსპერტ-კრიმინალისტები იმყოფებოდნენ.
ახალი ამბების სააგენტო Pia.ge შსს-ში ცდილობს დეტალების გარკვევას.
