მთავარი

ძიება

ვიდეო

ქვიზები

კონტაქტი

სპეცოპერაცია კასპში - მძევლად აყვანის ბრალდებით ყოფილი პოლიციელი დააკავეს

ლენტი,პოლიცია

კასპში, ერთ-ერთი საწარმოში, ორი პირის მძევლად აყვანის ბრალდებით პოლიციამ 1993 წელს დაბადებული გ.მ. დააკავა.

ბრალდებული კასპში, ერთ-ერთი საწარმოს ტერიტორიაზე შეიჭრა და სანადირო თოფის მუქარით ორი მოქალაქე მძევლად აიყვანა.

„თავდასხმის შესახებ შეტყობინების მიღებისთანავე შემთხვევის ადგილზე დაუყოვნებლივ მოხდა სამართალდამცველების მობილიზება, პოლიციამ მყისიერი რეაგირების რეჟიმში შემოსაზღვრა ტერიტორია და დაიწყო სპეციალური ოპერატიული და საგამოძიებო ღონისძიებები.

ადგილზე შინაგან საქმეთა მინისტრის მოადგილე ვლადიმერ ბორცვაძე ჩავიდა, რომელიც საპოლიციო ღონისძიებებს პირადად ხელმძღვანელობდა.

სამართალდამცველების მხრიდან გ.მ.-სთან რამდენიმესაათიანი აქტიური მოლაპარაკებების შედეგად, თავდამსხმელის მიერ მძევლად აყვანილი მოქალაქეების უვნებლად გათავისუფლდნენ, რომლებიც პოლიციამ უსაფრთხო ტერიტორიაზე გადაიყვანა. მძევლად აყვანილი ადამიანების გათავისუფლების შემდეგ პოლიციამ თავდამსხმელი შემთხვევის ადგილზე დააკავა“, - ნათქვამია შსს-ს განცხადებაში.

როგორც ჟურნალისტებს შინაგან საქმეთა მინისტრის მოადგილემ ვლადიმერ ბორცვაძემ განუცხადა, დაკავებული პირი ყოფილი პოლიციელია.

👉 ინფორმაციისთვის, საქმეზე გამოძიება საქართველოს სისხლის სამართლის კოდექსის 144-ე მუხლის მე-2 ნაწილის „გ“ და „ი“ ქვეპუნქტებით მიმდინარეობს, რაც სიცოცხლისთვის საშიში მუქარით ორი ან მეტი პირის მძევლად ხელში ჩაგდებას გულისხმობს.