სამხარაულის ექსპერტიზის ეროვნული ბიუროს დასკვნით, თამარ ბაჩალიაშვილის გარდაცვალების მიზეზი მედიკამენტოზური ინტოკსიკაცია გახდა. ამის შესახებ საინფორმაციო სააგენტო PIA.GE-ს გარდაცვლილის ოჯახის ადვოკატმა მიხეილ რამიშვილმა განუცხადა.
„დასკვნაში წერია, რომ გარდაცვალება წამლებმა გამოიწვია. იქ არის სამედიცინო ტერმინოლოგია, რომელიც უნდა გადავამოწმოთ და ამის შესახებ გავაჟღერებთ ოჯახის პოზიციას“, - აღნიშნა ადვოკატმა.
თამარ ბაჩალიაშვილის ოჯახი და უფლებადამცველი მიხეილ რამიშვილი ტოქსიკოლოგიური ექსპერტიზისა და დნმ-ის ექსპერტიზის დასკვნებს ცოტა ხნის წინ გაეცნენ.
დნმ-ის ექსპერტიზის დასკვნით, დადგინდა რომ სოფელ მაწევანში 22 ივლისს ნაპოვნი ცხედარი თამარ ბაჩალიაშვილს ეკუთვნის.
ინფორმაციისთვის, 22 ივლისს თამარ ბაჩალიაშვილი თეთრიწყაროში გარდაცვლილი იპოვეს.
საქმეზე გამოძიება 143-ე, თავისუფლების უკანონო აღკვეთისა და 115-ე, თვითმკვლელობამდე მიყვანის მუხლებით მიმდინარეობს.