თელავში 29 წლის კაცი საკარანტინო სივრცეში გარდაიცვალა
1601120440
თელავში 29 წლის კაცი საკარანტინო სივრცეში გარდაიცვალა. ინფორმაციას შსს-ს პრესსამსახურის წარმომადგენელი ავრცელებს.
„შინაგან საქმეთა სამინისტროს კახეთის პოლიციის დეპარტამენტმა თელავში, საკარანტინო სივრცეში მამაკაცის გარდაცვალების ფაქტზე გამოძიება სისხლის სამართლის კოდექსის 115-ე მუხლით დაიწყო“, - აღნიშნულია გავრცელებულ ინფორმაციაში.
არსებული ინფორმაციით, ჩატარებული საგამოძიებო ღონისძიებებით ამ ეტაპზე დგინდება, რომ ქალაქ თელავში ერთ-ერთ სასტუმროში, სადაც კოვიდპანდემიის გამო საკარანტინო სივრცე არის განთავსებული, 1991 წელს დაბადებული გ.გ. სასტუმროს პერსონალმა გარდაცვლილი ნახა.
„აღნიშნული პირი 24 სექტემბერს საფრანგეთიდან დაბრუნდა საქართველოში, რის შემდეგაც თელავში სასტუმროს საცხოვრებელ ნომერში იყო გადაყვანილი“, - ნათქვამია გავრცელებულ ინფორმაციაში.
გარდაცვლილი გადასვენებულია ექსპერტიზაზე კვლევების ჩატარების მიზნით. მომხდარ ფაქტზე გამოძიება სსკ-ის 115-ე მუხლით გრძელდება.
