აფხაზური ეკლესია ქართული ეკლესიის ნაწილი არ უნდა იყოს - აპლია
1613992257
ოკუპირებული აფხაზეთის მართლმადიდებლურ ტაძრებში მღვდელმსახურება მათი სტატუსის გარკვევამდე შეჩერდა. ამის შესახებ მღვდელმა ბესარიონ აპლიამ განაცხადა. ინფორმაციას "ეხო კავკაზა“ ავრცელებს.
აპლია, რომელიც „აფხაზეთის ეპარქიას“ ხელმძღვანელობს, ამბობს, რომ ტაძრები მოსახლეობისთვის გახსნილი იქნება. „ეს საკითხი მღვდლებმა მღვდელმთავრების წინაშე უნდა დააყენონ. მათ კი ეს თემა რუსეთის პატრიარქის, კირილეს წინაშე უნდა დააყენონ. 30 წელია ასეთ მდგომარეობაში ვართ. ასე გაგრძელება შეუძლებელია. ამიტომ მღვდელმსახურებას ვაჩერებთ. “ - განაცხადა აპლიამ.
აპლია იმედოვნებს, რომ მოსკოვის საპატრიარქო ამ საკითხს მოაგვარებს და "აფხაზეთის ეპარქიის“ სტატუსს გადაწყვეტს. „შეუძლებელია, რომ ჩვენ ქართული მართლმადიდებელი ეკლესიის ნაწილი ვიყოთ. ჩვენი ბედი რუსეთის ეკლესიამ უნდა გადაწყვიტოს“ - განაცხადა მღვდელმა ბესარიონ აპლიამ.
იხილეთ აგრეთვე:
