ე.წ. სამხრეთ ოსეთის დე ფაქტო ლიდერს ანატოლი ბიბილოვს კორონავირუსი დაუდგინდა. ამის შესახებ სააგენტო „სპუტნიკი“ იუწყება.
„ბოლო ტესტის პასუხი დადებითი იყო. პრეზიდენტს დაავადების მარტივი ფორმა აქვს. ის მოვალეობის შესრულებას დისტანციურ რეჟიმში გააგრძელებს“ - განუცხადა 'სპუტნიკს" ბიბილოვის პრესმდივანმა დინა გასიევამ.
ცხინვალსა და სხვა რაიონებში კარანტინის გამო სამი სკოლა და სამი საბავშვო ბაღი დაიხურა. პანდემიის დაწყებიდან ე.წ. სამხრეთ ოსეთში კორონავირუსის 227 შემთხვევა გამოვლინდა.