ოკუპირებულ ცხინვალის რეგიონში ბრეიკ-დანსის სექცია გაიხსნება, სადაც 7 წელზე უფროსი ბავშვების მიღება იწყება. ამის შესახებ „სპუტნიკი“ იუწყება.
როგორც ბრეიკ-დანსის მასწავლებელმა ანდრეი თედეევმა განაცხადა, ეს გადაწყვეტილება იმის გამოა მიღებული, რომ ბრეიკ-დანსი 2024 წლის ოლიმპიური თამაშების პროგრამაში შევა.
„ეს აღარ არის მხოლოდ ქუჩის ცეკვა. ეს ოლიმპიური კატეგორიაა. ამიტომ საბავშვო შემოქმედების სასახლე იწვევს 7 წლის და უფროსი ასაკის ბავშვებს ბრეიკ-დანსის სექციაში სასწავლებლად. გაკვეთილები კვირაში სამჯერ ჩატარდება. ბრეიკ-დანსი ფიზიკური მომზადებისთვის არის კარგი და ის ზოგადად, საცეკვაო ხელოვნებას ავითარებს“- განაცხადა თედეევმა.
„სპუტნიკის“ ცნობით. ე.წ. სამხრეთ ოსეთში ბრეიკ-დანსი 18 წლის წინ გაჩნდა. ანდრეი თედეევმა მაშინ ჯგუფი“ "არსი" შექმნა, რომელმაც საერთაშორისო კონკურსებზე ათეულობით პრიზი მოიპოვა.
ასევე წაიკითხეთ:
♻️ სოხუმი: საქართველო ცდილობს აჩვენოს, რომ ისტორიულ გამარჯვებას მიაღწია
♻️ ლავროვმა და მედოევმა „კუნსულტაციების გეგმას“ ხელი მოაწერეს