„ჰამასმა“ ღაზის სექტორიდან ისრაელის ცენტრალური ნაწილის, მათ შორის თელ-ავივის, დაბომბვა დაიწყო. ინფორმაციას უცხოური მედია ავრცელებს.
ათობით დასახლებულ პუნქტში ჩართულია საგანგაშო სირენები, რომლითაც მოსახლეობას სარაკეტო შეტევის შესახებ აფრთხილებენ და თავშესაფრებში გადასვლისკენ მოუწოდებენ.
ისლამურმა ორგანიზაცია „ჰამასმა“ განაცხადა, რომ თელ-ავივისკენ 130 რაკეტა ისროლეს.
ისრაელი რაკეტების გაუვნებელყოფას საჰაერო თავდაცვის სისტემებით ცდილობს, რომლის ეფექტიანობაც 90%-ია.
შეგახსენებთ, რომ კონფლიქტი ძველ იერუსალიმში მომხდარი დაპირისპირების შემდეგ გამწვავდა.
პალესტინელები აცხადებენ, რომ ისრაელის მიმართულებით რაკეტები ალ აქსის მეჩეთთან პოლიციის ქმედებების საპასუხოდ ისროლეს.
3 დღის განმავლობაში იერუსალიმის ამ ადგილას ისრაელის პოლიციას და პალესტინელებს შორის შეტაკებები მიმდინარეობდა, რის შედეგად ასობით ადამიანი დაიჭრა.
აგრეთვე წაიკითხეთ:
პალესტინელები ისრაელის ტერიტორიას კვლავ რაკეტებით ბომბავენ (ვიდეო)
ღაზას სექტორის დაბომბვის შედეგად 21 ადამიანი დაიღუპა (ვიდეო)
იერუსალიმში ორი დღის განმავლობაში მომხდარი შეტაკებების შედეგად 300-ზე მეტი ადამიანი დაშავდა