ოკუპირებულ აფხაზეთში 24 წლის ახალგაზრდა თვითმკვლელობამდე მიიყვანეს
1631620990
ოკუპირებულ აფხაზეთში 24 წლის ახალგაზრდა ანრი ატეიბა თვითმკვლელობამდე მიიყვანეს. აღნიშნულის შესახებ ინფორმაციას გარდაცვლილის დედა Telegram-ზე ინტერვიუში ამბობს.
„ის თვითმკვლელობამდე მიიყვანეს. მე ყველა მტკიცებულება მაქვს“, - აცხადებს გარდაცვლილის დედა.
ამასთან, ekhokavkaza ჟურნალისტ დავით დასანიას ფეისბუკ პოსტზე დაყრდნობით წერს, რომ ატეიბა სოფელ ბლაბურხვადან გაგრის პოლიციის განყოფილებაში ცემის შედეგად გარდაიცვალა.
„ეს მკვლელობა იმ უკანონობის შედეგია, რომელიც ბოლო წლების განმავლობაში აფხაზეთშია“, - აცხადებს ჟურნალისტი.
ოკუპირებული რეგიონის დე ფაქტო სტრუქტურების წარმომადგენლებს მომხდართან დაკავშირებით ჯერჯერობით კომენტარი არ გაუკეთებიათ.
