რუსეთის ფედერაციის პრეზიდენტი ვლადიმირ პუტინი აცხადებს, რომ მთიანი ყარაბაღის კონფლიქტში ორივე მხარეს თავისი სიმართლე აქვს.
კრემლის ლიდერი აცხადებს, რომ კონფლიქტის მოგვარება იოლი ვერ იქნება.
„აზერბაიჯანი აცხადებს, რომ ამ 7 რეგიონს არაფერი აქვს საერთო არც ეთნიკურ კონფლიქტთან და არც სომხეთთან. ეს არის, პირველ რიგში, აზერბაიჯანის ტერიტორიები. აზერბაიჯანი, ასევე, ამბობს: ჩვენ გვაქვს ამ ტერიტორიების დაბრუნების უფლება. ყველას თავისი სიმართლე აქვს. აქ არ არსებობს მარტივი გამოსავალი“, - აცხადებს პრეზიდენტი პუტინი.
ინფორმაციისთვის, მთიან ყარაბაღში აზერბაიჯანულ და სომხურ შეიარაღებულ ძალებს შორის საბრძოლო მოქმედებები 27 სექტემბერს განახლდა. ორივე მხრიდან ასობით ადამიანი დაიღუპა და დაიჭრა.