რუსმა სამხედროებმა ე.წ. სამხრეთ ოსეთში წვრთნები გამართეს
1610198963
ე.წ. სამხრეთ ოსეთში დისლოცირებულმა რუსეთის საოკუპაციო ძალებმა სამხედრო წვრთნები გამართეს. ამის შესახებ სააგენტო „სპუტნიკი“ იუწყება.
მანევრებში 100-მდე სამხედრო მონაწილეობდა. წვრთნები „ძარცემის“ პოლიგონზე გაიმართა.
წვრთნების სცენარის მიხედვით, სამხედროებმა მსუბუქად დაჯავშნილი მანქანებით პირობითი მოწინააღმდეგის შეტევა მოიგერიეს. მათ ყუმბარმტყორცნებიდან 250-350 მ-ის დაშორებაზე მიზნებს ცეცხლი გაუხსნეს.
გარდა ამისა, წვრთნების დროს სამხედროები ცოცხალი ძალის მოგერიების, დაზვერვის წარმოების და მიზნების ამოცნობის უნარ-ჩვევებს აუმჯობესებდნენ, ინფორმაციას რუსეთის სამხრეთ სამხედრო ოლქის პრესსამსახური ავრცელებს.
იხილეთ აგრეთვე:
💣 ე.წ. სამხრეთ ოსეთში ქართული წარმოების ალკოჰოლის შეტანის გამო ადგილობრივები დააჯარიმეს
