ოკუპირებული აფხაზეთის დე ფაქტო უშიშროების საბჭოს მდივანი სერგეი შამბა „სპუტნიკისთვის“ მიცემულ ინტერვიუში აცხადებენ, რომ ამ რეგიონში გამავალი რკინიგზის ბლოკირება სამხრეთ კავკასიიდან რუსეთის განდევნას ისახავს მიზნად.
შამბას აზრით, რკინიგზის გახსნაში საქართველოც უნდა იყოს დაინტერესებული, თუმცა შამბა ამ საკითხში სოხუმს და თბილისს შორის არსებულ უთანხმოებაზეც საუბრობს. „საქართველოსთან ამ საკითხზე საუბარი აუცილებელია. თუ გვინდა მშვიდობიანი კავკასიის აშენება, აქ გზებიც უნდა გაიხსნას“ - აცხადებს დე ფაქტო უშიშროების საბჭოს მდივანი.
მისი თქმით, ამ საკითხზე საუბარი 10 წელზე მეტი არ მიმდინარეობს. რკინიგზის გახსნა სომხეთის ინტერესებშიც შედის, მაგრამ სოხუმმა და თბილისმა ამ საკითხზე შეთანხმებას ვერ მიაღწიეს.
თბილისთან დიალოგის აუცილებლობაზე შამბა ადრეც საუბრობდა, რასაც სოხუმის სხვადასხვა წრეებში პროტესტი მოჰყვა. 1992 -1993 წლების ომის აფხაზმა ვეტერანებმა სერგეი შამბას გადაყენებაც კი მოითხოვეს.
იხილეთ აგრეთვე:
🔅 ოკუპირებული აფხაზეთი და ჩეჩნეთი ტურიზმის სფეროში თანამშრომლობას გეგმავენ