ერევანში სომხეთის პრემიერ-მინისტრის ნიკოლ ფაშინიანის წინააღმდეგ მორიგი საპროტესტო აქცია იმართება. ინფორმაციას სომხური მედია ავრცელებს.
გაერთიანებულმა ოპოზიციამ, რომელიც ცნობილია „სამშობლოს ხსნის მოძრაობის“ სახელით, მორიგი აქცია დაიწყო პრემიერ-მინისტრის ნიკოლ ფაშინიანის გადადგომის მოთხოვნით.
აქტივისტებმა „ღირსების მსვლელობა“ ერევნის ქუჩებიდან დაიწყეს და წმინდა ანას ეკლესიისკენ მიემართებიან.
🔘 ცნობისთვის, აზერბაიჯანის პრეზიდენტმა ილჰამ ალიევმა, სომხეთის პრემიერ-მინისტრმა ნიკოლ ფაშინიანმა და რუსეთის პრეზიდენტმა ვლადიმერ პუტინმა 10 ნოემბერს ხელი მოაწერეს შეთანხმებას მთიან ყარაბაღში საბრძოლო მოქმედებების შეჩერების შესახებ.
🔘 ოპოზიციური პარტიების ჯგუფმა ნიკოლ ფაშინიანს გადადგომის ვადა 8 დეკემბრამდე მისცეს.
🔘 ფაშინიანს გადადგომის გადაწყვეტილება არ მიუღია და ამასთან დაკავშირებით ერევანში საპროტესტო აქციები დაიწყო.
აგრეთვე, დაგაინტერესებთ:
➖ ნიკოლ ფაშინიანი: სომხეთის წინააღმდეგ საინფორმაციო ტერორი ხორციელდება
➖ ფაშინიანი: აზერბაიჯანული მხარე რუსული სამშვიდობო ძალების გაუფასურებას ცდილობს