ჩრდილოეთ ავღანეთში თალიბანის წინააღმდეგ მებრძოლმა ძალებმა განაცხადეს, რომ მათ აიღეს სამი უბანი ფანშირის ხეობასთან ახლოს. საუბარია დეჰ სალეჰს, ბანოსა და პულ-ჰესარზე, - ამის შესახებ „როიტერი“ იუწყება. .
ადგილობრივი „ტოლო ნიუსის“ ცნობით, ბანლოს რაიონ ბაღლანში შეიარაღებული დაპირისპირება მიმდინარეობდა, რის შედეგადაც არიან მძიმედ დაშავებულები.
თალიბანს მომხდარის შესახებ კომენტარი არ გაუკეთებია.
ყოფილმა ვიცე-პრეზიდენტმა ამრულა სალეჰმა და აჰმად მასუდმა, ყოფილი ანტისაბჭოთა მოჯაჰედების მეთაურის აჰმად შაჰ მასუდის ძემ, პირობა დადეს, რომ წინააღმდეგობას გაუწევენ თალიბებს.
მასუდთან ახლოს მყოფი ადამიანები აცხადებენ, რომ ხეობაში შეიკრიბა 6000-ზე მეტი მებრძოლი.
შეგახსენებთ, 15 აგვისტოს „თალიბანმა“ ავღანეთის დედაქალაქი ქაბული აიღო. ავღანეთის პრეზიდენტმა ქვეყანა დატოვა.
გაქცეული პრეზიდენტი ოჯახთან ერთად თავს, არაბეთის გაერთიანებულ საამიროებს აფარებს. ავღანეთიდან 18 000-ზე მეტი ადამიანია ევაკუირებული.
აგრეთვე წაიკითხეთ: 👇
👉 თალიბანი ქაბულში შევიდა - უახლესი ამბები (Live)
👉 აშშ-ის საელჩო ამერიკის მოქალაქეებს აფრთხილებს
👉 ავღანეთში, ქალაქ ჯალალაბადში აქცია იმართება - თალიბანმა დემონსტრანტებს ცეცხლი გაუხსნა (ვიდეო)