სამხედრო

„ჩვენ, ერთგულების ფიცი ღმერთის, სამშობლოსა და ერის და არა რომელიმე კერძო პირების წინაშე დავდეთ!“ - 2008 წლის რუსეთ-საქართველოს ომის საბრძოლო მოქმედებებში მონაწილე ომის ვეტერანების განცხადება

სამხედრო სალამი,
საქართველოს დროშა
1603698068
დაკოპირებულია

2008 წლის რუსეთ-საქართველოს ომის საბრძოლო მოქმედებებში მონაწილე ომის ვეტერანები ერთობლივ განცხადებას ავცელებენ.

როგორც განცხადებაშია აღნიშნული, ომის ვეტერანები კატეგორიულად ემიჯნებიან იმ პოლიტიკურ ძალას, რომელთა ქმედებები მიმართულია სახელმწიფოს ერთიანობისა და სუვერენიტეტის წინააღდმეგ.

მათივე თქმით, წინა ხელისუფლების წარმომადგენლები და გარკვეული ოდიოზური პირები აქტიურად ცდილობენ განხეთქილება შეიტანონ ვეტერან მეომართა ერთობაში.

ვეტერანები, განცხადებაში, აგრეთვე, აღნიშნავენ, რომ „ქართული ოცნების“ ხელისუფლების პერიოდში ომში დაღუპულთა ოჯახებს 1000 ლარიანი მუდმივი კომპენსაცია დაენიშნათ, ხოლო წინა ხელისუფლებამ ვეტერანების ღვაწლი 22 ლარად შეაფასა.

„ჩვენ 2008 წლის რუსეთ-საქართველოს ომის საბრძოლო მოქმედებებში მონაწილე ომის ვეტერანები, შექმნილი შიდა და გარე ვითარებიდან გამომდინარე, ვიღებთ გადაწყვეტილებას, გავაკეთოთ განცხადება მარგინალური ძალების მიერ ვეტერანების დაპირისპირების მცდელობაზე.

ჩვენი შემადგენლობა კატეგორიულად ემიჯნება ყველა იმ პოლიტიკურ ძალას, რომელთა ქმედებები მიმართულია სახელმწიფოს ერთიანობის და სუვერენიტეტის წინააღმდეგ. ჩვენ კატეგორიულად ვგმობთ თანამებრძოლებთა და საქართველოს ტერიტორიული მთლიანობისათვის წარმოებულ საბრძოლო მოქმედებებში მონაწილე უფროსს და ახალგაზრდა ვეტერანებს შორის შუღლის გაღვივების მცდელობას, რამეთუ სამშობლო ერთი გვაქვს და თითოეული ჩვენგანის ვალია, განურჩევლად ჩვენი პოლიტიკური შეხედულებებისა, გულის ფიცარზე გვეწეროს მისი დაცვის ვალდებულება,

მიუხედავად ამისა, წინა ხელისუფლების წარმომადგენლები და გარკვეული ოდიოზური პირები აქტიურად ცდილობენ განხეთქილება შეიტანონ იმ დიდი ოჯახში, რასაც ვეტერან მეომართა ერთობა წარმოადგენს.

დღეს ვეტერან მებრძოლთა ყოფითი პირობები არ არის სრულყოფილი სხვადასხვა სოციალური მიმართულებით, მაგრამ გაცილებით ღირსეულია, ვიდრე იყო. გამოწვევები კი კვლავ ძალიან ძალიან ბევრია. მიგვაჩნია, რომ ის პოლიტიკური ძალა, რომელიც დღეს ხელისუფლებაშია, ეტაპობრივად გაართმევს თავს ვეტერანთა წინაშე დაკისრებულ მოვალეობებს.

ალბათ, კარგად გახსოვთ, სწორედ წინა ხელისუფლების პერიოდში იქნა შეფასებული ვეტერანის ღვაწლი ყბადაღებულ 22 ლარად, და ეს მიზერული თანხაც, გარკვეული კრიტერიუმებით, 76 000-ის ნაცვლად 32 000 მებრძოლს განესაზღვრა. მიუხედავად იმისა, რომ ამ ხელისუფლებას არ უწარმოებია საბრძოლო მოქმედებები მოწინააღმდეგე სახელმწიფოსთან, სწორედ ამ ხელისუფლების გადაწყვეტილებით დაენიშნა 1000 ლარიანი მუდმივი კომპენსაცია ომში დაღუპულთა ოჯახებს; დიდი ყურადღება დაეთმო, ასევე, საერთაშორისო სამშვიდობო მისიებში დაჭრილი მეომრების რეაბილიტაციის საკითხებს, ხოლო ამ მისიებში გარდაცვლილთა ოჯახებს, ასევე, საერთაშორისო სამშვიდობო მისიებში დაჭრილი მეომრების რეაბილიტაციის საკითხებს, ხოლო ამ მისიებში გარდაცვლილთა ოჯახებს, ასევე, დაენიშნა კომპენსაცია. ამასთან, დიდი ყურადღება დაეთმო ვეტერანების ჯანდაცვის საკითხს, რომელიც ყოველთვის პრობლემას წარმოადგენდა. დღევანდელი ვეტერანის ჯანდაცვის პაკეტი წარმოადგენს 15 000 ლარს, რაც წინა ხელისუფლების პირობებში, მთლიანად უგულებელყოფილი იყო.

მიუხედავად ამ ყველაფრისა, დღევანდელი ხელისუფლების მიმართაც გვაქვს უკმაყოფილებისა და უსამართლობის განცდა, თუ რატომ არ იქნა ბოლომდე მიყვანილი სამართლიანობის აღდგენის საკითხი; რატომ შევიდა ხელისუფლება ე.წ კოჰაბიტაციაში იმ პოლიტიკურ ძალასთან, რომელმაც 2008 წლის რუსეთ-საქართველოს ომში, ჩვენი დაღუპული ძმები, მათი წმინდა სხეულები, შინაური ცხოველებისა და გადამთიელი მტრის საჯიჯგნად ბრძოლის ველზე უპატრონოდ მიატოვა. რატომ არ მოგვეცა მშვიდობიანი მოსახლეობის ევაკუაციის საშუალება, რასაც უამრავი უდანაშაულო ადამიანის მსხვერპლი მოჰყვა. რატომ მოხდა ისე, რომ არარსებული დეზერტირობის ფაქტზე, უამრავი სამხედრო მოსამსახურე იქნა ცრუ ბრალდებებით გასამართლებული და პასუხისგებაში მიცემული; რატომ არ გაეცა სათანადო პასუხი იმ მოღალატე ძალას, რომელმაც არშემდგარი ე.წ. ,,ამბოხის“ ბრალდებით, დაშალა ის საბრძოლო დანაყოფები, რომლებიც ბოლომდე ასრულებდნენ მათ წინაშე დასმულ საბრძოლო ამოცანებს. ხოლო, მათი სამეთაურო რგოლის ნაწილი ქუჩაში დახვრიტეს, ნაწილი ე.წ ,,ევროპულ ციხეებში“ გამოამწყვდიეს; რატომ მოხდა, რომ პოლიციური დანაყოფები და მათ შორის, იქ მომსახურე ვეტერანები, თავისივე თანამებრძოლებს დაუპირისპირეს და ვეტერანთა სამართლიანი საპროტესტო აქციები დაარბევინეს; რატომ მოხდა, რომ ჩვენი წინაპრების სისხლით შენარჩუნებული და ქართული ეკლესიის ძალისხმევით აღორძინებული ქართული იერუსალიმი - დავით გარეჯის წმინდა მიწა, დღეს მეზობელ სახელმწიფოსთან სადავო გაგვიხდა?!

მოგმართავთ მათ, ვისაც მეხსიერება გღალატობთ, ყველა ამ ჩამოთვლილ სისასტიკეს მაშინ ფარულად, ხოლო დღეს კი ღიად უჭერთ მხარს?!

გვახსოვდეს, რომ ჩვენ, ერთგულების ფიცი ღმერთის, სამშობლოსა და ერის და არა რომელიმე კერძო პირების წინაშე დავდეთ! ვემსახურებით საქართველოს! გვფარავდეს ღმერთი!“, - აღნიშნულია გავრცელებულ განცხადებაში.

ხელმომწერები: ვალერი ზირაქაშვილი, აკაკი აფციაური, ზურაბ მოსულიშვილი, გია ვეშაგური, უშანგი ჩოხელი, გიორგი ამირიძე, თენგიზ პატარაია, არჩილ ლაფაჩი, ზურაბ მესტვირიშვილი, დავით მაისურაძე, ნიკოლოზ ხეჩიაშვილი, ილია სიმონიშვილი, ზურაბ ტაბიძე, დავით ბაგაევი, შალვა სულუაშვილი, გიორგი გელაშვილი, ვანო ზაკალაშვილი, თამაზ ზირაქაშვილი, გოჩა კახოშვილი, ანზორ კოვზიაშვილი, ბაჩო კიკიანი.

ჰიდროელექტროსადგური
ენგურჰესი - Pia.ge

ენგურჰესზე ავარიაა - აფხაზური მედია

ენგურჰესზე ავარიაა. ამის შესახებ ინფორმაციას აფხაზური მედია ავრცელებს.

ამერიკელი მაღალჩინოსნების ვიზიტი, ძალიან ძლიერი სიგნალია საქართველოსთვის, მათ შორის ნატო-ს წევრობასთან დაკავშირებით, - ამის შესახებ საქართველოში აშშ-ის ელჩმა კელი დეგნანმა ნატო-ს სამიტზე საუბრისას განაცხადა.

1623667895

„გირჩი მეტი თავისუფლებისთვის“ ლიდერმა, ზურაბ ჯაფარიძემ სატელევიზიო ეთერში თვითმმართველობის არჩევნებსა და ოპოზიციის პრობლემებზე ისაუბრა. მისი თქმით, ეს არჩევნები არა არის თვითმმართველობის არჩევნები მხოლოდ, ეს არის რეფერენდუმი.

1623667188

საქართველოს პრემიერ-მინისტრი მიწვეულია ბრიუსელის ფორუმის ფორმატში, ღონისძიებაზე ისეთი მაღალი დონის სტუმრებთან ერთად, როგორიც გახლავთ გერმანიის კანცლერი, ნატოს გენერალური მდივანი, კანადის პრემიერი, - ამის შესახებ, საქართველოს საგარეო საქმეთა მინისტრმა, ვიცე-პრემიერმა დავით ზალკალიანმა, მთავრობის სხდომის შემდეგ, ბრიფინგზე განაცხადა.

1623666256

14 ივნისს, 14:00 საათზე ელექტროენერგიის მიწოდება საქართველოს რამდენიმე რეგიონს შეუწყდა.

1623665447
ექსპერტი ამირან
სალუქვაძე Pia.ge

ამირან სალუქვაძე: 153-ე პოსტია „ბუტკების“, უფ...

ექსპერტი ამირან სალუქვაძე 153 საწარმოს სიას აქვეყნებს, რომელიც სახელმწიფო პროგრამის „აწარმოე საქართველოში“ მიკრო და მცირე მეწარმეების ხელშეწყობის ფარგლებში დაფინანსდა.

იმოგზაურე ლიტერატურაში - მატარებლის მგზა...

აქ.ახლა ელექტრონული წიგნის პლატფორმა „საბა“ და ბილეთების ონლაინ პლატფორმა TKT.GE 15 ივნისიდან მგზავრებს არა მარტო საქართველოში, არამედ ლიტერატურულ სამყაროში უსასრულო მოგზაურობასაც ჰპირდებიან. ინფორმაციას თიბისი ბანკი ავრცელებს.

ბაიდენის და პუტინის შეხვედრა მეგობრული ა...

„აშშ-ის და რუსეთის პრეზიდენტების, ჯო ბაიდენისა და ვლადიმერ პუტინის შეხვედრა მეგობრული არ იქნება“, - ამის შესახებ BBC იუწყება.

საქსტატი: 2021 წლის იანვარ-მაისში ექსპორ...

საქსტატის მონაცემებით, 2021 წლის იანვარ-მაისში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 5 019.4 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელზე 18.2%-ით მეტია.