სამხედრო

ღარიბაშვილი: ჩვენი ჯარი ყოველთვის არის და იქნება იქ, სადაც ჩვენს სახელმწიფოს სჭირდება

თავდაცვის მინისტრი 2020
11:41 16.04
დაკოპირებულია

„ჩვენი ჯარი ყოველთვის არის და იქნება იქ, სადაც ჩვენს სახელმწიფოს, ჩვენს ხალხს სჭირდება. ჩვენ მხარს ვუჭერთ და აღვასრულებთ მთავრობის გადაწყვეტილებებს პოლიციასთან ერთად“, - ამის შესახებ საქართველოს თავდაცვის მინისტრმა ირაკლი ღარიბაშვილმა "იმედის" ეთერში განაცხადა.

ღარიბაშვილმა ეპიდემიასთან ბრძოლაში თავდაცვის ძალების მონაწილეობასა და პასუხისმგებლობაზე ისაუბრა.

როგორც ირაკლი ღარიბაშვილმა აღნიშნა, ქართველ სამხედროებს უხილავ მტერთან ბრძოლის გამოცდილება არ ჰქონია და მთავრობის მიერ მიღებული გადაწყვეტილებისთანავე ჯარი ეპიდემიასთან ბრძოლაში ჩაერთო. 

ირაკლი ღარიბაშვილმა კორონავირუსის გავრცელების პრევენციულ ღონისძიებებში თავდაცვის ძალების უშუალო ამოცანაზე გაამახვილა ყურადღება.

მისი თქმით, თავდაცვის ძალების მიერ მოწყობილია 70 საკონტროლო გამშვები პუნქტი, დაახლოებით 950 000 მოქალაქეს ჩაუტარდა სამხედრო ექიმების მიერ თერმოსკრინინგი და თითქმის 470 000 ავტომობილი დამუშავდა სადეზინფექციო ხსნარით საბრძოლო საინჟინრო ბატალიონის ასეულის მიერ, რომელიც სპეციალური ეკიპირებითაა აღჭურვილი. 

თავდაცვის მინისტრმა საუბრისას კორონავირუსის გავრცელების პრევენციულ ღონისძიებებში თავდაცვისა და შსს-ს ძალების გამართულ კოორდინირებულ მუშაობას გაუსვა ხაზი.

„ეს გაკვეთილის მომცემია ჩვენთვის და ჩვენი სამხედროებისთვის, თავდაცვის ძალების სამეთაურო რგოლისთვის, ასევე ზოგადად აღმასრულებლებისთვის, ვინაიდან ჩვენ მოგვეცა უნიკალური შესაძლებლობა, პოლიციასთან ერთად მოხდეს კოორდინირებული შერკინება და გამკლავება ასეთ უხილავ მტერთან, პრობლემასთან“, - აღნიშნა ირაკლი ღარიბაშვილმა. 

მინისტრმა იმ ღონისძიებების შესახებაც იმსჯელა, რომელიც ეპიდემიის წინააღმდეგ ბრძოლის ფარგლებში თავდაცვის უწყებაში გატარდა.

როგორც მან აღნიშნა, ეპიდემიის შესახებ ინფორმაციის მიღებისთანავე, დაახლოებით 2 თვის წინ, უწყებაში შეიქმნა შესაბამისი შტაბი, გაიმართა მართვის ცენტრი, 21 მარტიდან ჯარი ყაზარმულ მდგომარეობაზე გადავიდა, მაქსიმალურად გამკაცრებულია სამხედროების შესვლა, მათ უტარდებათ თერმოსკრინინგი, მუდმივად უტარდებათ შემოწმება.

ირაკლი ღარიბაშვილმა ყურადღება სამედიცინო დეპარტამენტის აქტიურ ჩართულობასა და გორის სამხედრო ჰოსპიტალის მაღალ პროფესიონალიზმზეც გაამახვილა და სამხედრო ექიმებსა და სამხედროებს ეპიდემიის წინააღმდეგ ბრძოლაში მადლობა გადაუხადა.

ჯარიმა დაწესდება

საქართველოში ახალი ჯარიმები დაწესდება

ავტოტრასპორტის პარკირებასთან, მანქანის მიტოვებასთან დაკავშირებით ჯარიმები წესდებ...
საპარლამენტო უმრავლესობის დეპუტატის მამუკა მდინარაძის განცხადებით, ოპოზიციამ პიარ სტრატეგიად აირჩია...
21:00
"თქვენი ყალბი პათოსი და ფარისევლობა ჩვენ ყველამ ვიხილეთ. თქვენი გამოსვლები განმსჭვალული იყო იმით, თუ...
20:27
პრემიერ-მინისტრის გიორგი გახარიას განცხადებით, ოპოზიცია მოქალაქეებს პირდება იმას, რაც თვითონვე იციან...
19:57
„ოპოზიციის მცდელობა, დააკნინონ „ოცნების“ გუნდის მიღწევები, ან უკიდურეს შემთხვევაში მთავრობის ეფექტია...
19:24
ფერმერ 300-ზე მეტი ფერმერი სასოფლო-სამეურნეო ტექნიკა...
სახელმწიფომ ტექნიკის შეძენაში ფერმერების დასახმარებლად 6 მილიონი ლარი გამოყო. რეგისტრაციის გამოცხადე...
ქართულმა მხარემ იტალიასთან პანდემიის მწვ...
საქართველოს საგარეო საქმეთა მინისტრის პირველმა მოადგილემ ვახტანგ მახარობლიშვილმა...
ეუთო-ს საბჭოს სხდომაზე საქართველოს ოკუპი...
2020 წლის 28 მაისს გაიმართა ეუთო-ს მუდმივი საბჭოს სხდომა, სადაც საქართველოს ოკუპ...
კობახიძე „ენმ“-ს - თქვენი ხელისუფლებაში...
პარლამენტის პლენარულ სხდომაზე, სადაც ინტერპელაციის წესით ქვეყნის პრემიერ-მინისტრ...