დონბასში უკრაინელი სამხედრო დაიღუპა
1623479737
აღმოსავლეთ უკრაინაში პრორუსი სეპარატისტების მიერ გახსნილი ცეცხლის შედეგად ერთი უკრაინელი სამხედრო დაიღუპა. ამის შესახებ „უნიანი“ იუწყება.
დასახლება ვოდიანოეს მახლობლად, „ბოევიკებმა“ 82 მმ-იანი ნაღმმტყორცნები გამოიყენეს. ასევე ისინი ყუმბარმტყორცნებსა და ტყვიამფრქვევებს იყენებდნენ. დაბომბვის შედეგად უკრაინელმა სამხედრომ „სიცოცხლესთან შეუთავსებელი ჭრილობები" მიიღო.
საერთო ჯამში სეპარატისტებმა ცეცხლის შეწყვეტის შეთანხმება 9-ჯერ დაარღვიეს. ამ ფაქტების შესახებ უკრაინის შეიარაღებულმა ძალებმა ეუთოს დამკვირვებლებს აცნობეს.
